ବୌଦ୍ଧରେ ଅସଜଡା ପରିମଳ ବ୍ୟବସ୍ଥା

ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ମୌସୁମୀ ବର୍ଷା ଆରମ୍ଭ ହୋଇଥିବାବେଳେ ବର୍ଜ୍ୟ ସାମଗ୍ରୀ ଯୋଗୁଁ ପୌର ପରିଷଦର ବିଭିନ୍ନ ସ୍ଥାନରେ ନାଳ ଗୁଡିକ ପୋତି ହୋଇଯିବା ସହ ନଦୀରେ ନାଳନର୍ଦ୍ଦମାର ମଇଳା ପାଣି ମିଶୁଥିବା ଅଭିଯୋଗ ହୋଇଛି ।

ବୌଦ୍ଧ: ଜିଲ୍ଲାର ବିଭିନ୍ନ ସ୍ଥାନରେ ଆରମ୍ଭ ହୋଇଛି ମୌସୁମୀ ବର୍ଷା । ମାତ୍ର ଜିଲ୍ଲାର ଏକମାତ୍ର ପୌର ପରିଷଦର ବିଭିନ୍ନ ସ୍ଥାନରେ ବର୍ଜ୍ୟ ସାମଗ୍ରୀ ଯୋଗୁଁ ନାଳ ଗୁଡିକ ପୋତି ହୋଇଯିବା ସହ ନଦୀରେ ନାଳନର୍ଦ୍ଦମାର ମଇଳା ପାଣି ମିଶୁଥିବା ଅଭିଯୋଗ ହୋଇଛି । ଏଥିସହିତ ସହରର ଶଶ୍ମାନଘାଟ ମଧ୍ୟ ଅପରିଷ୍କାର ହୋଇ ପଡିରହିଥିବା ଜଣାପଡିଛି ।

ସେପଟେ ପୌର ପରିଷଦର 17 ଗୋଟି ଓ୍ବାର୍ଡର ଦାୟିତ୍ୱରେ ଥିବା ସଫେଇ କର୍ମଚାରୀଙ୍କୁ ସ୍ବତନ୍ତ୍ର ତାଲିମ ପରିଷଦ ପକ୍ଷରୁ ଦିଆଯାଉଛି । ଅପରପକ୍ଷେ ଖୁବଶୀଘ୍ର ଜିଲ୍ଲାର ଏହି ସବୁ ସମସ୍ୟାର ସମାଧାନ ନିମନ୍ତେ ନୂତନ ଡିପିଆର ପ୍ରସ୍ତୁତ ହୋଇ ସାରିଥିବା କହିଛନ୍ତି ପୌର ଅଧିକାରୀ । ଯାହା ଖୁବଶୀଘ୍ର କାର୍ଯ୍ୟକାରୀ ହେବ ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ