ବସଷ୍ଟାଣ୍ଡରେ ଶୌଚାଳୟ ନଥିବାରୁ ଯାତ୍ରୀ ଜନଅସନ୍ତୋଷ

କଣ୍ଟାମାଳ ଜିଲ୍ଲା ସଦର ମହକୁମା ବସଷ୍ଟାଣ୍ଡରେ ଶୌଚାଳୟ ନଥିବାରୁ ଦୂରଦୂରାନ୍ତରରୁ ଆସୁଥିବା ଯାତ୍ରୀଙ୍କୁ ନାନା ଅସୁବିଧାର ସମ୍ମୁଖୀନ ହେଉଛନ୍ତି । ତୁରନ୍ତ ଏହି ବସଷ୍ଟାଣ୍ଡରେ ଏକ ଶୌଚାଳୟ ସ୍ଥାପନା କରିବାକୁ ସାଧାରଣରେ ଦାବି ହୋଇଛି ।

ବୌଦ୍ଧ: ଜିଲ୍ଲା କଣ୍ଟାମାଳ ସଦର ମହକୁମା ବସଷ୍ଟାଣ୍ଡରେ ଶୌଚାଳୟ ନଥିବା ଅଭିଯୋଗ ହୋଇଛି । ଏନେଇ ସାଧାରଣରେ ଜନ ଅସନ୍ତୋଷ ପ୍ରକାଶ ପାଇଛି । ପ୍ରାୟ 20ଟି ପଞ୍ଚାୟତର ଲୋକେ ଏହି ବସଷ୍ଟାଣ୍ଡ ଉପରେ ନିର୍ଭର କରୁଥିବାବେଳେ ଶୌଚାଳୟ ନଥିବାରୁ ଦୂରଦୂରାନ୍ତରରୁ ଆସୁଥିବା ଯାତ୍ରୀଙ୍କୁ ନାନା ଅସୁବିଧାର ସମ୍ମୁଖୀନ ହେଉଛନ୍ତି ।

ବିଶେଷ କରି ମହିଳାଯାତ୍ରୀ ନାନା ସମସ୍ୟାର ସମ୍ମୁଖୀନ ହୋଇଥିବା ଅଭିଯୋଗ ହୋଇଛି । ଆଗାମୀ ଦିନରେ କଣ୍ଟାମାଳ ଏକ ସବଡିଭିଜନ ହେବାକୁ ଯାଉଥିବା ବେଳେ ତୁରନ୍ତ ଏହି ବସଷ୍ଟାଣ୍ଡରେ ଏକ ଶୌଚାଳୟ ସ୍ଥାପନା କରିବାକୁ ସାଧାରଣରେ ଦାବି ହୋଇଛି ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ