ନୂଆଦିଲ୍ଲୀ:କୋରୋନା ଭାଇରସରୁ ସୁସ୍ଥ ହେଲେ ଦ୍ରୁତ ବୋଲର ଏମ ପ୍ରସିଦ୍ଧ କ୍ରୀଷ୍ଣା । ଇଂଲଣ୍ଡ ବିପକ୍ଷ ଟେଷ୍ଟ ସିରିଜ ପାଇଁ ଭାରତୀୟ ସ୍କ୍ବାଡରେ ପ୍ରସିଦ୍ଧ କ୍ରୀଷ୍ଣାଙ୍କ ନାମ ରହିଛି । ଫଳରେ ସେ ମେ 23ରେ ବେଙ୍ଗାଲୁରୁରୁ ଉଡାଣ ଭରିବା ସହ ମୁମ୍ବାଇରେ ଟିମ ଇଣ୍ଡିଆ ସହ ଯୋଗଦେବେ ବୋଲି ଜଣାପଡିଛି ।
ବର୍ତ୍ତମାନ ସେ ବେଙ୍ଗାଲୁରୁ ସ୍ଥିତ ନିଜ ଘରେ ରହିଛନ୍ତି ଓ କୋଭିଡ-19କୁ ମାତ ଦେଇ ସୁସ୍ଥ ଅଛନ୍ତି ।
କ୍ରୀଷ୍ଣା, ଆଇପିଏଲରେ କୋଲକାତା ନାଇଟ ରାଇଡର୍ସ ପକ୍ଷରୁ ଖେଳିଥିଲେ । ତେବେ ପରେ ପଜିଟିଭ ଚିହ୍ନଟ ହୋଇଥିବା 4ଜଣ କେକେଆର ଖେଳାଳିଙ୍କ ମଧ୍ୟରେ କ୍ରୀଷ୍ଣା ରହିଥିଲେ । ପରେ ଏକାଧିକ ଖେଳାଳି ସଂକ୍ରମିତ ହେବାପରେ ଟୁର୍ଣ୍ଣାମେଣ୍ଟକୁ ଅଧାରୁ ସ୍ଥଗିତ ରଖାଯାଇଛି ।