ଅନୁଗୋଳ: ଜମ୍ମୁ-କାଶ୍ମୀର ଅନନ୍ତନାଗରେ ସୋମବାର ହୋଇଥିବା ଆତଙ୍କବାଦୀ ଆକ୍ରମଣରେ ଜଣେ ଓଡିଆ ଯବାନ ଶହୀଦ ହୋଇଛନ୍ତି । ଶହୀଦ ଓଡିଆ ଯବାନ ଅଜିତ୍ ସାହୁଙ୍କ ଘର ଢେଙ୍କାନାଳ କାମାକ୍ଷାନଗର ବଡସୁଆଁଳ ଗାଁରେ । ଅଜିତ ଗତକାଲି(ସୋମବାର) ଶହୀଦ ହୋଇଥିବାବେଳେ ଆଜି ଆର୍ମି କ୍ୟାମ୍ପରୁ ତାଙ୍କ ବାପାଙ୍କ ପାଖକୁ ଫୋନ ଆସିଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ସୂଚନାନୁାସରେ, ଅଜିତ୍ କୋଲକାତାରୁ ଟ୍ରାନ୍ସଫର ହୋଇ ସୋମବାର ଜମ୍ମୁ-କାଶ୍ମୀରକୁ ନିଜ କାର୍ଯ୍ୟରେ ଯୋଗ ଦେବାକୁ ଯାଉଥିଲେ । କିନ୍ତୁ ଅନନ୍ତନାଗ ନିକଟରେ ଆତଙ୍କବାଦୀମାନେ ଆଇଡ଼ି ବିସ୍ଫୋରଣ କରିଥିଲେ । ସେଠାରେ ତାଙ୍କୁ ଗୁରୁତର ଅବସ୍ଥାରେ ନିକଟରେ ଥିବା ଏକ ହସ୍ପିଟାଲରେ ଭର୍ତ୍ତି କରାଯାଇଥିଲା । ମାତ୍ର ବିଳମ୍ବିତ ରାତିରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା ।