ରେଳଲାଇନ ନିର୍ମାଣ ବିଳମ୍ବକୁ ନେଇ ନବୀନ-ବୈଜୟନ୍ତ ମୁହାଁମୁହିଁ

କେନ୍ଦ୍ରାପଡାରେ ରେଳଲାଇନ ନିର୍ମାଣ ବିଳମ୍ବକୁ ନେଇ ପରସ୍ପର ଉପରେ ଦୋଷ ଲଦାଲଦି ହେଉଛନ୍ତି ଉଭୟ ବିଜେଡି ଓ ବିଜେପି । ନିର୍ମାଣ କାର୍ଯ୍ୟ ବିଳମ୍ବ ନେଇ ନବୀନ ପଟ୍ଟନାୟକ, ବୈଜୟନ୍ତ ପଣ୍ଡାଙ୍କ ଉପରେ ଦୋଷ ଲଦିଥିବାବେଳେ ଆଜି(ସୋମବାର) ସେ ଏହାର ଜବାବ ଦେଇଛନ୍ତି ।

ଭୁବନେଶ୍ବର: ନିର୍ବାଚନ ପାଇଁ ଭିନ୍ନ ରଣକୌଶଳ । ବାଜିମାତ୍ ଲାଗି ଦୋଷ ଠେଲାଠେଲି ହେଉଛନ୍ତି ନେତା । ଜନତାଙ୍କ ଆଗରେ ନିଜ ନିଜର ପକ୍ଷ ରଖି ଅନ୍ୟକୁ ଦୋଷ ଦେଇ ଭୋଟରଙ୍କ ଭୋଟ ପାଇବା ଆଶାରେ ରହିଛନ୍ତି ପ୍ରମୁଖ ଦଳ । ଅସମ୍ପୂର୍ଣ୍ଣ କାର୍ଯ୍ୟକୁ ନେଇ ତୁ ତୁ ମେ ମେ ହେଉଛନ୍ତି ପ୍ରାର୍ଥୀ ।

କେନ୍ଦ୍ରାପଡାରେ ରେଳଲାଇନ ନିର୍ମାଣ ବିଳମ୍ବକୁ ନେଇ ପରସ୍ପର ଉପରେ ଦୋଷ ଲଦାଲଦି ହେଉଛନ୍ତି ଉଭୟ ବିଜେଡି ଓ ବିଜେପି । ନିର୍ମାଣ କାର୍ଯ୍ୟ ବିଳମ୍ବ ନେଇ ଗତକାଲି(ରବିବାର) ବିଜେଡି ସୁପ୍ରିମୋ ନବୀନ ପଟ୍ଟନାୟକ ବିଜେପିର କେନ୍ଦ୍ରାପଡା ସାଂସଦ ପ୍ରାର୍ଥୀ ବୈଜୟନ୍ତ ପଣ୍ଡାଙ୍କ ଉପରେ ଦୋଷ ଲଦିଥିବାବେଳେ ଆଜି(ସୋମବାର) ଏହାର ଜବାବ ଦେଇଛନ୍ତି ବୈଜୟନ୍ତ ।

ଗତକାଲି ଏକ ସାଧାରଣ ସଭାରେ କେନ୍ଦ୍ରାପଡାରେ ବର୍ତ୍ତମାନ ସୁଦ୍ଧା ରେଲୱେ ଲାଇନ ନଆସିବା ନେଇ ବୈଜୟନ୍ତଙ୍କୁ ଦାୟୀ କରିଥିଲେ ନବୀନ । ଏପଟେ ସାଂସଦ ହେବା ପରେ ବାରାମ୍ବାର ସମୀକ୍ଷା କରିବା ଦ୍ବାରା କାର୍ଯ୍ୟର ତ୍ବରାନ୍ବିତ ହୋଇଥିବା ନେଇ ଆଜି ଟ୍ବିଟ କରି ବୈଜୟନ୍ତ କହିଛନ୍ତି ।