ଯାଜପୁର: ଆସନ୍ତା ୧୩ରୁ ଏଠାରେ ଆରମ୍ଭ ହେବ ୬୪ତମ ସର୍ବଭାରତୀୟ ଗ୍ରେଡ୍ ଏ କବାଡି ପ୍ରତିଯୋଗିତା । ଯାଜପୁର କବାଡି ଆସୋସିଏସନ ଏହାକୁ ଆୟୋଜନ କରୁଛି । ଖଣ୍ଡିତର ସ୍ଥିତ ମିନି ଷ୍ଟାଡିୟମରେ ଉଭୟ ପୁରୁଷ ଓ ମହିଳା ଦଳକୁ ନେଇ ଅନୁଷ୍ଠିତ ହେବ ଏହି ଜାତୀୟ ସ୍ତରୀୟ ପ୍ରତିଯୋଗିତା । ଏଥିରେ ରାଜ୍ୟ ବାହାରୁ ୨୦ରୁ ଊର୍ଦ୍ଧ୍ବ ଦଳ ଅଂଶଗ୍ରହଣ କରିବେ ।
ଭିଡିଓ ସୌଜନ୍ଯ: ସମ୍ବାଦଦାତା, ଯାଜପୁର
ଏପଟେ ରାଜ୍ୟ ଓ ରାଜ୍ୟ ବାହାରୁ ଟିମମାନ ଆସି କବାଡି ଅଭ୍ୟାସ ଆରମ୍ଭ କରିଦେଇଛନ୍ତି । ତେବେ ଉଭୟ ପୁରୁଷ ଓ ମହିଳା ଦଳ ମଧ୍ୟରେ ଆୟୋଜିତ ହେବ ପୃଥକ ପୃଥକ ମ୍ୟାଚ୍ । ଚଳିତ ବର୍ଷ ପୁରୁଷ ବିଭାଗର ଚମ୍ପିଆନ ଦଳକୁ ୧ ଲକ୍ଷ ଟଙ୍କା ଓ ରନର୍ସ ଅପ ଦଳକୁ ୭୦ ହଜାର ଟଙ୍କା ପ୍ରଦାନ କରାଯିବ ।