ଖୋର୍ଦ୍ଧା: ସରକାରୀ ଜାଗାରୁ ଜବରଦଖଲ ଉଚ୍ଛେଦ ନ ହେବାରୁ ତହସିଲ ଅଫିସରେ ପଶି ଭଙ୍ଗାରୁଜା କରିଛନ୍ତି ଉତ୍ତ୍ୟକ୍ତ ଲୋକେ । ଅନେକ ଜରୁରୀ କାଗଜପତ୍ର ନଷ୍ଟ କରିବା ସହ ତହସିଲ ଅଫିସ ଗେଟକୁ ଭାଙ୍ଗିଛନ୍ତି ।
ଭିଡିଓ ସୌଜନ୍ୟ: ପ୍ରତିନିଥି, ଖୋର୍ଦ୍ଧା
ବାଘମାରି ଥାନା ଅନ୍ତର୍ଗତ ପଙ୍ଗାରସିଂହ ଗ୍ରାମପଞ୍ଚାୟତର ଗୋଡି ପୋଖରୀ ଗ୍ରାମର ଏକ ସରକାରୀ ଜାଗା ଜବରଦଖଲ କରି ଦଣ୍ଡପାଣି ସିଂ ନାମକ ଜଣେ ବ୍ୟକ୍ତି ରହୁଥିଲେ । ଜବରଦଖଲ ଉଚ୍ଛେଦ ପାଇଁ ବ୍ୟକ୍ତିଙ୍କୁ ତହସିଲଦାର ଏକ ନୋଟିସ ଦେଇଥିଲେ । ମଙ୍ଗଳବାର ଜବରଦଖଲ ଉଚ୍ଛେଦ ହେବାର ଥିଲା । କିନ୍ତୁ ଆବଶ୍ୟକ ସଂଖ୍ୟକ ପୋଲିସ ଆସିନଥିବାରୁ ତହସିଲଦାର ନୋଟିସ କରିଥିବା ଜାଗାକୁ ଯାଇପାରିନଥିଲେ । ନିର୍ଦ୍ଧାରିତ ସମୟରେ ଉଚ୍ଛେଦ ନ ହେବାରୁ 20-30 ଜଣ ଗ୍ରାମବାସୀ ଆସି ତହସିଲଦାରଙ୍କ କାର୍ଯ୍ୟାଳୟରେ ଚେୟାର ଟେବୁଲ ଭାଙ୍ଗିବା ସହ ଗୁରୁତ୍ୱପୂର୍ଣ୍ଣ କାଗଜ ମଧ୍ୟ ଫୋପାଡି ଦେଇଥିଲେ । ଅଫିସରେ କାର୍ଯ୍ୟରତ ଥିବା କର୍ମଚାରୀଙ୍କୁ ଅଭଦ୍ର ଭାଷାରେ ଗାଳିଗୁଲଜ କରି କାଚ କବାଟକୁ ଭାଙ୍ଗି ଦେଇଥିଲେ ।