ବ୍ରହ୍ମପୁର: ଏମକେସିଜି ମେଡିକାଲରେ ଡାଇଲିସିସ୍ ମେସିନକୁ କାର୍ଯ୍ୟକ୍ଷମ କରିବା ଏବଂ ସହରର ସମସ୍ତ ସିଟି ହସ୍ପିଟାଲରେ ଡାଇଲିସିସ ବିଭାଗ ଖୋଲିବା ଦାବିରେ ଦକ୍ଷିଣାଞ୍ଚଳ ରାଜସ୍ବ କମିଶନରଙ୍କ କାର୍ଯ୍ୟାଳୟ ସମମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା। ବ୍ରହ୍ମପୁର ସହରର ମାନବ ଅଧିକାରୀ ସୁରକ୍ଷା ମଞ୍ଚ ପକ୍ଷରୁ ଏହି ବିକ୍ଷୋଭ କରାଯାଇଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର
ସମଗ୍ର ଦକ୍ଷିଣାଞ୍ଚଳ ସମେତ ପଡୋଶୀ ଖୋର୍ଦ୍ଧା ଏବଂ ପୁରୀ ଜିଲ୍ଲା, ଓଡିଶା-ଆନ୍ଧ୍ର ସୀମାନ୍ତର ବହୁ ରୋଗୀ ଏହି ଏମକେସିଜି ମେଡିକାଲ ଉପରେ ନିର୍ଭର କରିଥାନ୍ତି । ତେବେ ଏଠାରେ 3ଟି ଡାଇଲିସିସ୍ ମେସିନ ଥିବାବେଳେ ଜଣେ ଅବସରପ୍ରାପ୍ତ ଡାକ୍ତର ଏବଂ ଟେକ୍ନିସିଆନ ଏହାକୁ ପରିଚାଳନା କରୁଛନ୍ତି । ଫଳରେ ଏଠାକୁ ଆସୁଥିବା ରୋଗୀ କୌଣସି ପ୍ରକାର ଉପକୃତ ହୋଇପାରୁନଥିବା ବେଳେ ସେମାନଙ୍କୁ ନାନା ସମସ୍ୟାର ସାମନା କରିବାକୁ ପଡିଥାଏ ।