ନୂଆପଡା: ଖଡ଼ିଆଳ ଥାନା ଲାଞ୍ଜି ଗାଁରେ ଭଣ୍ଡ ବାବାର କଳା କାରନାମା । ଗୁଣି ଗାରେଡି ଝଡାଫୁଙ୍କା ନାଁରେ ନାବାଳିକାଙ୍କୁ ଅସଦାଚରଣ କରିଥିବା ଅଭିଯୋଗ ହୋଇଛି । ଅଭିଯୁକ୍ତ ବାବା ଜଣକ ହେଉଛି ବସନ୍ତ କୁମାର ବଗ ।
ଭିଡିଓ ସୌଜନ୍ୟ : ପ୍ରତିନିଧି, ନୂଆପଡା
ସୂଚନାନୁସାରେ, ଲାଞ୍ଜି ଗାଁ କଟାପଡ଼ାରେ ଚାଲିଥିଲା ନାମଯଜ୍ଞ । ନାମଯଜ୍ଞରେ ଯୋଗଦେବା ପାଇଁ ବଲାଙ୍ଗୀର ଜିଲ୍ଲା ଘୁଟୁପାଲି ଗାଁର ଅଲେଖ ମହିମା ଧର୍ମ ଗ୍ରହଣ କରିଥିବା ବାବା ବସନ୍ତ ଲାଞ୍ଜିଗାଁ କଟାପଡାକୁ ଆସିଥିଲା । ଆଉ ସେଠାରେ ବାବାଙ୍କ ଦୃଷ୍ଟି ପଡିଥିଲା ଜଣେ 16 ବର୍ଷିୟା ନାବାଳିକାଙ୍କ ଉପରେ । ତେବେ ଉକ୍ତ ନାବାଳିକା ଦେହ ଖରାପ ଥିବା ବେଳେ ତାକୁ ଡାହାଣୀ ଲାଗିଥିବା କହି ଝଡାଫୁଙ୍କା ବାହାନାରେ ପରିବାର ଲୋକଙ୍କୁ ଘର ବାହାରେ ରଖି ଘର ଭିତରେ ବାବା ଝିଅକୁ ଝଡାଫୁଙ୍କା କରିଥିଲା ।