ଭଦ୍ରକ: ଇଟିଭି ଭାରତକୁ ଦେଇଥିବା ପ୍ରତିଶ୍ରୁତି ରକ୍ଷା କଲେ ଭଦ୍ରକ ବିଧାୟକ। ବଢ଼ାଇଲେ ସହାୟତାର ହାତ। ଗତ 11 ମାସ ଧରି ମୃତ୍ୟୁ ସହିତ ସଂଗ୍ରାମ କରୁଥିବା ମେଧାବୀ ଛାତ୍ରୀ ଶୀତଲଙ୍କୁ ଚିକିତ୍ସା କରିବା ପାଇଁ ସାଙ୍ଗରେ ନେଇ ଭଦ୍ରକ ବିଧାୟକ ସଞ୍ଜୀବ ମଲ୍ଲିକ ଆଜି ପହଞ୍ଚିଛନ୍ତି ଭୁବନେଶ୍ବର ସ୍ଥିତ ଏମ୍ସ ମେଡିକାଲ କଲେଜରେ । ତେବେ ସୂଚନା ଅନୁସାରେ, ରାଜ୍ୟ ସ୍ୱାସ୍ଥ୍ୟ ସଚିବ ଓ ବିଧାୟକଙ୍କ ପ୍ରତ୍ୟେକ୍ଷ ତତ୍ତ୍ୱାବଧାନରେ ଶୀତଲଙ୍କ ପ୍ରତି ସହାୟତାର ହାତ ବଢିଛି । ପ୍ରତି ମୁହୂର୍ତ୍ତରେ ଯନ୍ତ୍ରଣା ସହିନପାରି ମୃତ୍ୟୁ ସହ ସଂଗ୍ରାମ କରି ଇଚ୍ଛା ମୃତ୍ୟୁ ପାଇଁ ଅନୁମତି ମାଗୁଥିବା ଶୀତଲଙ୍କ ଜୀବନରେ ନୂତନ ସୂର୍ଯ୍ୟୋଦୟ ନେଇ ଆଶା ସଞ୍ଚାର ହୋଇଛି।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ
ତେବେ ସେଠାରେ ତାଙ୍କୁ ଏଚ୍ ବ୍ଲକ 12 ନମ୍ବର ବେଡରେ ଭର୍ତ୍ତି କରାଯାଇଛି। ଡାକ୍ତର ସୁଧାଂଶୁ ଙ୍କ ପ୍ରତ୍ୟେକ୍ଷ ତତ୍ତ୍ବାବଧାନରେ ଉଭୟ ଅର୍ଥୋପେଡିକ ଏବଂ ସର୍ଜରୀ ବିଭାଗର ଡାକ୍ତର ମାନେ ଶୀତଲଙ୍କ ଚିକିତ୍ସା ଆରମ୍ଭ କରିଥିବା ତାଙ୍କ ପରିବାର ସୂତ୍ରରୁ ସୂଚନା ମିଳିଛି।