କଟକ: ସାମୁଦ୍ରିକ ଝଡ 'ଫନି' ବିଭୀଷିକାରୁ ବର୍ତ୍ତିପାରିନି ସିଲଭର ସିଟି । ଏହି ପ୍ରଳୟଙ୍କାରୀ ବାତ୍ୟା ପ୍ରଭାବରେ ସହରରେ ବିଦ୍ୟୁତ୍ ସେବା ସମ୍ପୂର୍ଣ୍ଣ ବିଗିଡିଯାଇଛି । ବୃକ୍ଷ ଭାରରେ ଧରାଶାୟୀ ହୋଇଛି ଶହ ଶହ ବିଦ୍ୟୁତ୍ ଖୁଣ୍ଟ । ସତେ ଯେମିତି ଫନି ସେସୁ ବିଭାଗର ମେରୁଦଣ୍ଡକୁ ଭାଙ୍ଗି ଚାଲିଯାଇଛି ।
ସେସୁ ବିଭାଗ ପକ୍ଷରୁ ସେସବୁକୁ ସ୍ବଭାବିକ କରିବାକୁ ପ୍ରୟାସ ଜାରି ରହିଛି । ବର୍ତ୍ତମାନ ସୁଦ୍ଧା ସହରକୁ 30 ପ୍ରତିଶତ ବିଦ୍ୟତ୍ ସେବାକୁ ସଚଳ କରି ଦିଆଯାଇଛି । ଦିନେ କି ଦୁଇ ଦିନ ମଧ୍ୟରେ ବାକି ଅଞ୍ଚଳ ଗୁଡିକରେ ଏହାକୁ ସଚଳ କରାଯିବା ନେଇ ଅନ୍ୟ ଗୁଡିକୁ ଯୁଦ୍ଧକାଳୀନ ଭିତ୍ତିରେ ମରାମତି କାର୍ଯ୍ୟ ଚାଲିଛି । ଅପରପକ୍ଷେ ଜିଲ୍ଲାରେ ପାନୀୟଜଳ ବ୍ୟବସ୍ଥାକୁ ମଧ୍ୟ ସ୍ବଚ୍ଛଳ କରାଯାଉଥିବା ଜିଲ୍ଲାପାଳ କହିଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
