ଭୁବନେଶ୍ବର: ନିକଟରେ ଶେଷ ହୋଇଛି ସାଧାରଣ ନିର୍ବାଚନ ସହ ରାଜ୍ୟ ବିଧାନସଭା ନିର୍ବାଚନ । ରାଜ୍ୟ ବିଧାନସଭାରେ ପ୍ରଥମ ଥର ପାଇଁ ବିଜେପି ମୁଖ୍ୟ ବିରୋଧୀ ଦଳ ଭୂମିକା ନିଭାଇବ । ତେଣୁ କିଏ ହେବ ବିରୋଧୀ ଦଳ ନେତା ତାହା ଚୟନ କରିବା ପାଇଁ ଆଜି ବିଜେପି ବିଧାୟକ ଦଳ ବୈଠକ ରାଜ୍ୟ କାର୍ଯ୍ୟାଳୟରେ ବସିଥିଲା । ସମସ୍ତ ବିଧାୟକଙ୍କ ମତାମତ ଲୋଡାଯାଇଥିଲା , ସମସ୍ତ ବିଧାୟକ ନିଜ ନିଜ ମତ ମଧ୍ୟ ଦେଇଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ତେବେ କିଛି ବିଧାୟକ ଜୟନାରାୟଣ ମିଶ୍ର ହୁଅନ୍ତୁ ବୋଲି ମତ ଦେଇଥିବା ବେଳେ କିଛି ବିଧାୟକ ପ୍ରଦୀପ୍ତ ନାୟକଙ୍କୁ କରାଯାଉ ବୋଲି କହିଥିଲେ । ତେବେ ରାଜ୍ୟ ନେତୃମଣ୍ଡଳି କୌଣସି ନାମ ଉପରେ ମୋହର ମାରି ପାରିନଥିଲେ । ନିଷ୍ପତ୍ତି ଅନୁଯାୟୀ ସମସ୍ତ ମତାମତକୁ କେନ୍ଦ୍ରୀୟ ସଂସଦୀୟ ବୋର୍ଡକୁ ପଠାଯାଇଛି । କେନ୍ଦ୍ରୀୟ ଟିମ ଯାହାଙ୍କୁ ବି ଚୟନ କରିବେ ତାକୁ ସମସ୍ତ ବିଧାୟକ ମାନିବେ ବୋଲି କହିଛନ୍ତି ଧାମନଗର ବିଧାୟକ ବିଷ୍ଣୁ ସେଠୀ ।