ବଢୁଛି ବିଜେଡିର ଦଳୀୟ ସଂଗଠନ, ଜାରି ରହିଛି ନୂତନ ନିଯୁକ୍ତି

ଫୁଲବାଣୀ ସଂଖ୍ୟାଲଘୁ ସେଲର ଏମ୍ ଡି ୟାସିନଙ୍କୁ ବିଜେଡି ସାଧାରଣ ସଂପାଦକ କରିଥିବାବେଳେ ଭଦ୍ରକ, କେନ୍ଦ୍ରାପଡା ଓ ଜଟଣି ପାଇଁ ଦଳର ସଂଖ୍ୟାଲଘୁ ସେଲର ନୂତନ ନିଯୁକ୍ତି ଦେଇଛନ୍ତି ।

ଭୁବନେଶ୍ବର: ରାଜ୍ୟରେ ନିର୍ବାଚନ ଜାରି ରହିଥିବାବେଳେ ସମତୁଲ ଭାବେ ବିଜେଡି ଦଳର ସାଂଗଠନିକ ପ୍ରକ୍ରିୟା ମଧ୍ୟ ଜାରି ରହିଛି । ନିର୍ବାଚନ ଠାରୁ ଆଜି ପର୍ଯ୍ୟନ୍ତ ବିଜେଡି ପାଖାପାଖି 50ରୁ ଅଧିକ ସଂପାଦକ ଓ ସମାନ ସଂଖ୍ୟକ ସାଧାରଣ ସଂପାଦକ ନିଯୁକ୍ତ କରି ସାରିଥିବାବେଳେ ଆଜି ପୁଣି ଏହା ବୃଦ୍ଧି କରିଛି ଦଳ ।

ବିଜେଡି ସୁପ୍ରିମୋଙ୍କ ଅନୁମୋଦନ କ୍ରମେ ଅନସୁର ରେହେମାନଙ୍କୁ ବିଜେଡି ଉପସଭାପତି, ଫୁଲବାଣୀ ସଂଖ୍ୟାଲଘୁ ସେଲର ଏମ୍ ଡି ୟାସିନଙ୍କୁ ବିଜେଡି ସାଧାରଣ ସଂପାଦକ କରିଥିବାବେଳେ ଭଦ୍ରକ, କେନ୍ଦ୍ରାପଡା ଓ ଜଟଣୀ ପାଇଁ ଦଳର ସଂଖ୍ୟାଲଘୁ ସେଲର ନୂତନ ନିଯୁକ୍ତି ଦେଇଛନ୍ତି । ଏମଡି ଇସଲାମ୍, ରିୟାଜ ବେଗମ୍, ଏସକେ ଏମଡି ରାଫିକ୍, ହବିବୁଲ ଖାଁଙ୍କୁ ନୂତନ ନିଯୁକ୍ତି ଦିଆଯାଇଛି ।

ଭୁବନେଶ୍ବରରୁ ତପନ ଦାସ, ଇଟିଭି ଭାରତ