ବାଲେଶ୍ବର: ରାଜ୍ୟରେ ବଢୁଛି ଅପରାଧ ସଂଖ୍ୟା। ଏହି ପର୍ଯ୍ୟାୟରେ ବାଲେଶ୍ବର ଜିଲ୍ଲାରେ ମାତିଛନ୍ତି ଏଟିଏମ ଲୁଟେରା । ଗତ କିଛି ଦିନ ତଳେ 4 ଜଣ ଏଟିଏମ ଲୁଟେରାଙ୍କୁ ଗିରଫ ହୋଇଥିବା ବେଳେ ମଙ୍ଗଳବାର ବାଲେଶ୍ବରରେ ପୁଣି ଏକ ଏଟିଏମ ଲୁଟ ଘଟଣା ସାମନାକୁ ଆସିଛି । ଜିଲ୍ଲାରେ ଘଟଣାର ପୁନରାବୃତ୍ତି କରି ପୋଲିସକୁ ସିଧାସଳଖ ଚାଲେଞ୍ଜ ଦେଇଛନ୍ତି ଦୁର୍ବୃତ୍ତ ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ସୂଚନାନୁସାରେ, ସୋର କଲେଜ ଛକରେ ଥିବା ଫେଡେରାଲ ବ୍ୟାଙ୍କ ଏଟିଏମକୁ ସୋମବାର ବିଳମ୍ବିତ ରାତିରେ ଦୁର୍ବୃତ୍ତମାନେ ଲୁଟ କରିଛନ୍ତି। ଦୁର୍ବୃତ୍ତମାନେ ଏଟିଏମ ତାଡି ନେଇଥିବା ବେଳେ ସେଠାରେ ଲାଗିଥିବା ସିସିଟିଭି ମଧ୍ୟ ତାଡି ଫିଙ୍ଗି ଦେଇଛନ୍ତି । ତେବେ ଏଟିଏମରୁ କେତେ ଟଙ୍କା ଲୁଟ ହୋଇଛି ତାହା ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇନାହିଁ ।