ମଞ୍ଚେଷ୍ଟର:ଷ୍ଟ୍ରାଇକର ସର୍ଜିଓ ଆଗୁଏରୋଙ୍କୁ ରବିବାର ପୁନର୍ବାର ସମ୍ମାନ ଜଣାଇଛି ମଞ୍ଚେଷ୍ଟର ସିଟି କ୍ଲବ । ସ୍ଥାନୀୟ ଇଥିଆଡ ଷ୍ଟାଡିୟମରେ କ୍ୟାରିୟରର ଶେଷ ମ୍ୟାଚ ଖେଳିବାକୁ ଯାଉଛନ୍ତି ସର୍ଜିଓ ।
ବର୍ଷ 2011ରେ ମଞ୍ଚେଷ୍ଟର ସିଟି ପକ୍ଷରୁ ଖେଳି ସ୍ବନସି ସିଟି ବିପକ୍ଷରେ ପ୍ରଥମ ଗୋଲ କରିଥିଲେ ସର୍ଜିଓ । ଏହାପରେ ସେ କ୍ଲବର ସର୍ବକାଳୀନ ଶ୍ରେଷ୍ଠ ଗୋଲ ସଂଗ୍ରହକାରୀ ଖେଳାଳି ହୋଇପାରିଛନ୍ତି ।
ମଞ୍ଚେଷ୍ଟର ସିଟି ସହିତ ସର୍ଜିଓ ମୋଟ 15ଟି ଟ୍ରଫି ଜିତିଛନ୍ତି । ସମସ୍ତ 15ଟି ବିଜୟୀ ଟ୍ରଫି ସହ ଫଟୋ ସେୟାର କରିଛନ୍ତି ସର୍ଜିଓ ।
ରବିବାର ସେ ତାଙ୍କର ଶେଷ ପ୍ରିମିୟର ଲିଗ ମ୍ୟାଚ ଖେଳିବାକୁ ଯାଉଛନ୍ତି ।