ପୋଲିସ ହେପାଜତରୁ ଖସିଗଲା ଅଭିଯୁକ୍ତ

ପୋଲିସ ହୋପାଜତରୁ ଅଭିଯୁକ୍ତ ଫେରାର ହେବାର ଭିଡିଓ ସୋସିଆଲ ଭାଇରାଲ ହେବା ପରେ ପୋଲିସ ହଟହଟା ହୋଇଛି ।

ବରଗଡ: ଟାଉନ ଥାନା ପୋଲିସ ହେପାଜତରୁ ଜଣେ ଅଭିଯୁକ୍ତ ଫେରାର ହୋଇଯାଇଛି । ଏହି ଘଟଣା ସାରା ସହରରେ ଏବେ ଚର୍ଚ୍ଚାର ବିଷୟ ପାଲଟିଛି ।

ସୂଚନାନୁସାରେ, ବିଭିନ୍ନ ଅପରାଧୀକ ମାମଲାରେ ସମ୍ପୃକ୍ତ ଥିବା ଆସାମୀଙ୍କ ଫଟୋ ଏବଂ ସେମାନଙ୍କ ଅପରାଧୀକ ତାଲିକାକୁ କମ୍ପ୍ୟୁଟରରେ ଫିଡ୍ କରାଯାଉଛି । ଯେଉଁ କାରଣରୁ ବରଗଡର ସମସ୍ତ ଅପରାଧୀଙ୍କୁ ପଚରାଉଚରା ପାଇଁ ଟାଉନ୍ ଥାନାକୁ ଅଣାଯାଇଥିଲା । ପରେ ସେମାନଙ୍କୁ ଛାଡି ଦେଇଥିଲା ପୋଲିସ । ବରଗଡ ପୋଲିସ ପକ୍ଷରୁ ଏହି ଅଭିଯାନ ଆରମ୍ଭ ହୋଇଥିଲା ।

ଏହି ଅଭିଯାନ ପାଇଁ ବରଗଡ ଟାଉନ ପୋଲିସ ଜଣେ ଅପରାଧୀକୁ ଥାନାକୁ ଆଣିବା ପାଇଁ ପୋଲିସ ଗାଡିରେ ବସାଉଥିଲା । ଏହି ସମୟରେ ଅଭିଯୁକ୍ତ ଜଣକ ଗାଡିରୁ ଡେଇଁ ଫେରାର ହୋଇଯାଇଥିଲା । ପୋଲିସ ଗାଡିରୁ ଅଭିଯୁକ୍ତ ଫେରାର ହେବାର ଭିଡିଓ କେହି ଜଣେ ବ୍ୟକ୍ତି ନିଜ ମୋବାଇଲରେ କଏଦ କରିଥିଲେ । ଯାହା ଏବେ ସୋସିଆଲ ମିଡିଆରେ ଭାଇରାଇ ହୋଇଛି । ଆଉ ଏହି ଭାଇରାଲ ଭିଡିଓରେ ପୋଲିସକୁ ଲୋକହସା ହେବାକୁ ପଡିଛି ।

ବରଗଡରୁ ରାଜେଶ ସରାପ୍, ଇଟିଭି ଭାରତ