ଖୋର୍ଦ୍ଧାରେ ଗୋଟିଏ ଦିନରେ ସର୍ବାଧିକ ୨୬୮ କୋରୋନା ଆକ୍ରାନ୍ତ ଚିହ୍ନଟ

ରାଜ୍ୟରେ ଏବେ ଆକ୍ରାନ୍ତଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଉଥିବା ବେଳେ ଏବେ କୋରୋନା ହଟସ୍ପଟ ସାଜିଛି ଖୋର୍ଦ୍ଧା । ଖୋର୍ଦ୍ଧାରେ ଆଜି ଗୋଟିଏ ଦିନରେ ସର୍ବାଧିକ ୨୬୮ କୋରୋନା ଆକ୍ରାନ୍ତ ଚିହ୍ନଟ । ଅନ୍ୟପଟେ ଖୋର୍ଦ୍ଧା ଓ ଜଟଣୀ ପୌରପରିଷଦ ଏବଂ ବାଲୁଗାଁ ଓ ବାଣପୁର ଏନ ଏ ସି ରେ କେହି ଆକ୍ରାନ୍ତ ଚିହ୍ନଟ ହୋଇନଥିବା ଜିଲ୍ଲା ପ୍ରଶାସନ ସୂଚନା ଦେଇଛନ୍ତି । ଅଧିକ ପଢନ୍ତୁ...

ଖୋର୍ଦ୍ଧା: ରାଜ୍ୟରେ ଏବେ ଆକ୍ରାନ୍ତଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଉଥିବା ବେଳେ ଏବେ କୋରୋନା ହଟସ୍ପଟ ସାଜିଛି ଖୋର୍ଦ୍ଧା । ଖୋର୍ଦ୍ଧାରେ ଆଜି ଗୋଟିଏ ଦିନରେ ସର୍ବାଧିକ ୨୬୮ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ବିଏମସିକୁ ବାଦ ଦେଇ ଖୋର୍ଦ୍ଧା ଜିଲ୍ଲାରେ ୩,୮୩୮ଙ୍କ ସ୍ୱାବ ପରୀକ୍ଷା କରାଯାଇଥିଲା । ଏବେ ପର୍ଯ୍ୟନ୍ତ ୨,୨୩୮ଜଣ ସୁସ୍ଥ ହୋଇ ଘରକୁ ଫେରିଥିବା ବେଳେ ୧,୫୭୫ ଟି ସକ୍ରିୟ ମାମଲା ରହିଛି । ଏବଂ 25 ଜଣ ମୃତ୍ୟୁ ବରଣ କରିଛନ୍ତି ।

ତେବେ ୨୬୮ ଆକ୍ରାନ୍ତଙ୍କ ମଧ୍ୟରେ ବାଲିଅନ୍ତାରେ ୨୭ ଜଣ, ବାଲିପାଟଣାରୁ ୨୮, ଭୁବନେଶ୍ୱର ବ୍ଲକରୁ ୧୪, ଜଟଣୀରୁ ୨୭, ଖୋର୍ଦ୍ଧାରୁ ୫୨, ବେଗୁନିଆରୁ ୦୯, ବୋଲାଗଡ଼ରୁ ୦୯, ଟାଙ୍ଗିରୁ ୧୬, ଚିଲିକାରୁ ୫୧, ବାଣପୁରରୁ ୩୫ ଜଣ ଚିହ୍ନଟ ହୋଇଛନ୍ତି । ଅନ୍ୟପଟେ ଖୋର୍ଦ୍ଧା ଓ ଜଟଣୀ ପୌରପରିଷଦ ଏବଂ ବାଲୁଗାଁ ଓ ବାଣପୁର ଏନଏସି ରେ କେହି ଆକ୍ରାନ୍ତ ଚିହ୍ନଟ ହୋଇନଥିବା ଜିଲ୍ଲା ପ୍ରଶାସନ ସୂଚନା ଦେଇଛନ୍ତି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ