ଭୁବନେଶ୍ବର: ଓୟୁଏଟି ପରୀକ୍ଷା ଦେବା ବେଳେ ଧରାପଡିଛନ୍ତି ନକଲି ଛାତ୍ର । ଅସଲି ଆଡମିଟ୍ କାର୍ଡରେ ନକଲି ପରୀକ୍ଷାର୍ଥୀ ଦେଉଥିଲେ ପରୀକ୍ଷା । ଗିରଫ ନକଲି ପରୀକ୍ଷାର୍ଥୀ ଦିଲ୍ଲୀର ଆଦର୍ଶ ଚୌଧୁରୀ ଓ ରାଜସ୍ଥାନର ଜଣେ ନାବାଳକ । ଅସଲି ପରୀକ୍ଷାର୍ଥୀଙ୍କ ଚିହ୍ନଟ ହେବା ପରେ ଏମାନଙ୍କୁ ଗିରଫ କରିଛି କମିଶନରେଟ୍ ପୋଲିସ ।
ସୂଚନାନୁସାରେ, ଖଣ୍ଡଗିରି ବଡବାରି ସରସ୍ବତୀ ଶିଶୁ ବିଦ୍ଯାମନ୍ଦିରରେ ଗୋପର ଜଣେ ଛାତ୍ର ଯୁଧିଷ୍ଟିର ମଲିକଙ୍କ ପାଇଁ ପରୀକ୍ଷା ଦେଉଥିଲେ ଦିଲ୍ଲୀର ଆଦର୍ଶ ଚୌଧୁରୀ । ସେହିପରି ବଡଗଡ ଥାନା ଅଞ୍ଚଳର ବଡଗଡ ଶିଶୁ ବିଦ୍ଯା ମନ୍ଦିରରେ ଜଣେ ଛାତ୍ର ପାଇଁ ରାଜସ୍ଥାନର ଜଣେ ନାବାଳକ ପରୀକ୍ଷା ଦେଉଥିଲେ । ସ୍କୁଲ ପକ୍ଷରୁ ଏନେଇ ଖଣ୍ଡଗିରି ଏବଂ ବଡଗଡ ଥାନାରେ ଅଭିଯୋଗ ପରେ ସେମାନଙ୍କୁ ଗିରଫ କରାଯାଇଛି ।