ବାଲେଶ୍ବର: ଜିଲ୍ଲାରେ ପୁଣି ଏକ ଲଜ୍ଜାଜନକ ଘଟଣା ସାମନାକୁ ଆସିଛି । ସୋର ଥାନା ଅଞ୍ଚଳରେ ଜଣେ ନାବାଳିକାକୁ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ମିଳିଥିବା ସୂଚନାନୁସାରେ, ସୋର ଥାନା ଦହିସଡା ଅଞ୍ଚଳର ପଣ୍ଡା ସିଂ ନାମକ ଜଣେ ବ୍ୟକ୍ତି ନିଜ ସ୍ତ୍ରୀକୁ ମାଡ ମାରି ଘରୁ ବାହାର କରି ଦେଇଥିଲା । ପରେ ସେହି ଅଞ୍ଚଳର ଜଣେ ନିକଟ ସମ୍ପର୍କୀୟ ପଣ୍ଡାଙ୍କ ସ୍ତ୍ରୀକୁ ଖୋଜାଖୋଜି କରିଥିଲେ । ପଣ୍ଡା ମଧ୍ୟ ନିଜ ସ୍ତ୍ରୀକୁ ଖୋଜିବା ବାହାନାରେ ସେହି ଅଞ୍ଚଳର ଜଣେ 12 ବର୍ଷର ଝିଅକୁ ସାଙ୍ଗରେ ଧରି ଟ୍ରେନ ଲାଇନକୁ ବାହାରିଥିଲା । ମାତ୍ର ସ୍ତ୍ରୀକୁ ଖୋଜିବା ବଦଳରେ ରେଳ ଲାଇନରେ ଥିବା ପୋଲ ତଳେ ଉକ୍ତ ନାବାଳିକାକୁ ଦୁର୍ଷ୍କମ କରିଥିଲା । ଏସମ୍ପର୍କରେ ନାବାଳିକାର ବାପା ସୋର ଥାନାରେ ଅଭିଯୋଗ କରିଥିଲେ ।