କଥା ହେଲେ ବାଇଡେନ-ଜେଲେନସ୍କି, ୟୁକ୍ରେନକୁ 500 ମିଲିୟନ ଡଲାର ଦେବ ହ୍ବାଇଟ ହାଉସ

କଥାହେଲେ ବାଇଡେନ-ଜେଲେନସ୍କି । ଯୁଦ୍ଧ ସ୍ଥିତି ସମୀକ୍ଷା କରିବା ସହ 500 ମିଲିୟନ ଡଲାର ସହାୟତା ରାଶି ଦେବାକୁ ବାଇଡେନଙ୍କ ପ୍ରତିଶ୍ରୁତି । ଗତକାଲି ଆଲୋଚନା ପରେ ସାମାନ୍ୟ କୋହଳ ଆଭିମୁଖ୍ୟକୁ ଆସିଛି ଋଷ । ଅଧିକ ପଢନ୍ତୁ

ଓ୍ବାଶିଂଟନ: ଜାରି ରହିଥିବା ଯୁଦ୍ଧ ମଧ୍ୟରେ ଋଷ ସାମାନ୍ୟ କୋହଳ ଆଭିମୁଖ୍ୟକୁ ଆସିଥିବା ବେଳେ ବୁଧବାର ୟୁକ୍ରେନ ରାଷ୍ଟ୍ରପତିଙ୍କ ସହ ଆଲୋଚନା କରିଛନ୍ତି ଆମେରିକା ରାଷ୍ଟ୍ରପତି ଜୋ ବାଇଡେନ । ଆଜି ଉଭୟଙ୍କ ମଧ୍ୟରେ ଟେଲିଫୋନିକ ବାର୍ତ୍ତାଳାପ ହୋଇଛି । ପର୍ବରୁ ୟୁକ୍ରେନକୁ ସମସ୍ତ ସହାୟତାର ପ୍ରତିଶ୍ରତି ଯୋଗାଇ ଆସୁଥିବା ଆମେରିକା ଆଜି ସିଧାସଳଖ ବଜେଟରେ 500 ମିଲିୟନ ଡଲାର ସହାୟତା ଯୋଗାଇଦେବାକୁ ଆଗ୍ରହୀ ଥିବା କହିଛନ୍ତି ବାଇଡେନ।

ସେହିପରି ଜାରି ରହିଥିବା ଯୁଦ୍ଧ ପରିସ୍ଥିତି ବିଷୟରେ ମଧ୍ୟ ବାଇଡେନ ୟୁକ୍ରେନ ରଷ୍ଟ୍ରପତିଙ୍କ ଠାରୁ ଅବଗତ ହୋଇଥିଲେ । ୟୁକ୍ରେନ କରିଥିବା ସୁରକ୍ଷା ସହାୟତା ଅନୁରୋଧକୁ ପୂରଣ କରିବା ପାଇଁ ଆମେରିକା ସର୍ବଦା ତତ୍ପର ଅଛି ଓ ସହଯୋଗ ଯୋଗାଇବା ପାଇଁ ପ୍ରସ୍ତୁତ ବୋଲି ବାଇଡେନ ଜେଲେନସ୍କିଙ୍କୁ ଭରସା ଦେଇଥିବା ମଧ୍ୟ ସୂଚନା ମିଳିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ