ଚେନ୍ନାଇ: ସଭ୍ୟ ସମାଜରେ ଦେଖିବାକୁ ମିଳିଛି ପୁଣି ଏକ ଅସଭ୍ୟ କାମ । ପ୍ରେମିକଙ୍କ ଆଗରେ ପ୍ରେମିକାକୁ ଦୁଷ୍କର୍ମ କଲେ ଦୁର୍ବୃତ୍ତ । ତାମିଲନାଡୁର କୁଡ୍ଡାଲୋର ଜିଲ୍ଲାରେ ଦେଖିବାକୁ ମିଳିଛି ଏଭଳି ଜଘନ୍ୟ ଘଟଣା । ଏହି ଘଟଣାରେ କୁଡ୍ଡାଲୋର ପୋଲିସ ତିନି ଜଣଙ୍କ ଗିରଫ କରିବା ସହ ତଦନ୍ତ ଜାରି ରଖିଛି । ସୂଚନା ଅନୁସାରେ ଗତକାଲି(ସୋମବାର) କୁଡ୍ଡାଲୋରର ମୁଖ୍ୟ ଡାକଘର ପାଖରେ ଥିବା ଏକ ବସ ଷ୍ଟପ ନିକଟରେ ଜଣେ ୨୧ ବର୍ଷୀୟ ଯୁବତୀ ଏକୁଟିଆ ଛିଡା ହୋଇଥିବା ପାଟ୍ରୋଲିଂ କରୁଥିବା ବେଳେ ପୋଲିସ ଦେଖିବାକୁ ପାଇଥିଲା । ତେବେ ପାଟ୍ରୋଲିଂ କରୁଥୁିବା ପୋଲିସ ଅଧିକାରୀ ଯୁବତୀଙ୍କ ପାଖକୁ ଯାଇ କାହିଁକି ଏଠାରେ ଛିଡା ହୋଇଛ ବୋଲି ପ୍ରଶ୍ନ ପଚାରିଥିଲେ ।
ଅପରପକ୍ଷରେ ପୋଲିସର ପ୍ରଶ୍ନର ଉତ୍ତର ଦେବା ସହ ଯୁବତୀ ଜଣଙ୍କ ତାଙ୍କ ସହିତ ହୋଇଥିବା ଜଘନ୍ୟ କାଣ୍ଡ ବିଷୟରେ ଜଣାଇଥିଲେ । ପୋଲିସ ଘଟଣା ବିଷୟରେ ଜାଣିବା ପରେ ପ୍ରଥମେ ଯୁବତୀଙ୍କୁ କୁଡ୍ଡାଲୋର ଜିଲ୍ଲା ମୁଖ୍ୟ ଚିକିତ୍ସାଳୟ ନେବା ସହ ଡାକ୍ତରୀମାଇନା କରିଥିଲେ । ଏହା ପରେ ଯୁବତୀଙ୍କ ପ୍ରେମିକଙ୍କୁ ନିକଟକୁ ଯାଇ ସମ୍ପର୍ଣ୍ଣ ତଥ୍ୟ ସଂଗ୍ରହ କରିଥିଲା ପୋଲିସ ଟିମ ।
ଏପଟେ ଯୁବତୀଙ୍କ କହିବା ଅନୁଯାୟୀ ତାଙ୍କ ପ୍ରେମିକ ସହ କାମିୟମ୍ପେଟ୍ଟାଇ ପାଖରେ ଛିଡା ହୋଇ କଥା ହେଉଥିବା ବେଳେ ଏହି ତିନି ଅଭିଯୁକ୍ତ ଆସି ଫଟୋ ଉତ୍ତୋଳନ କରିଥିଲେ । ତେବେ ଏହି ସ୍ଥାନରେ କେହି ନଥିବା ସୁଯୋଗ ନେଇ ପ୍ରଥମେ ଅଭିଯୁକ୍ତମାନେ ଯୁବତୀଙ୍କ ପ୍ରମିକଙ୍କୁ ମାଡ ମାରିବା ସହ ତାଙ୍କୁ କାବୁ କରି ରଖିଥିଲେ । ଏହା ପରେ ଜଣେ ଅଭିଯୁକ୍ତ ଯୁବତୀଙ୍କୁ ଦୁଷ୍କର୍ମ କରିଥିଲା ।