ହାଇଦ୍ରାବାଦ: ସ୍ବାସ୍ଥ୍ୟ ହିଁ ସମ୍ପଦ । ସୁସ୍ବାସ୍ଥ୍ୟ ହିଁ ଜରୁରୀ ସନ୍ତୁଳିତ ଆହାର । ସ୍ବାସ୍ଥ୍ୟ କେବଳ ଶାରୀରିକ ସୁସ୍ଥତାକୁ ବୁଝାଏ ନାହିଁ, ଯେତେବେଳେ ଜଣ ବ୍ୟକ୍ତି ମାନସିକ ଓ ସାମାଜିକ ଭାବେ ସୁସ୍ଥ ରହିଥାଏ ତାଙ୍କୁ ଆମେ ସୁସ୍ଥ ବୋଲି କୁହାଯାଏ । ବିଶ୍ବ ସ୍ବାସ୍ଥ୍ୟ ସଂଗଠନ ଅନୁସାରେ ସ୍ବାସ୍ଥ୍ୟ ମଣିଷର ସୁଖ ଓ ସୁସ୍ଥତାର ମୂଳପିଣ୍ଡ । ଜଣେ ସୁସ୍ଥ ବ୍ୟକ୍ତି ସବୁ କିଛି କରିବାକୁ ସକ୍ଷମ ହୋଇଥାଏ । ସାଧାରଣ ସ୍ବାସ୍ଥ୍ୟ ଓ ବିଶ୍ବ କଲ୍ୟାଣ ଉପରେ ଲୋକଙ୍କ ମଧ୍ୟରେ ସଚେତନତା ସୃଷ୍ଟି ପାଇଁ ପ୍ରତିବର୍ଷ ଏପ୍ରିଲ ୭କୁ ବିଶ୍ବ ସ୍ବାସ୍ଥ୍ୟ ଦିବସ ପାଳନ କରାଯାଏ । ୧୯୮୪ରେ ବିଶ୍ବ ସ୍ବାସ୍ଥ୍ୟ ସଂଗଠନ ପ୍ରଥମ ବିଶ୍ବ ସ୍ବାସ୍ଥ୍ୟ ସଭା ସଞ୍ଚାଳନ କରିଥିଲା । ଯାହା ବିଶ୍ବ ସ୍ବାସ୍ଥ୍ୟ ଦିବସ ଭାବେ ପାଳନ ପାଇଁ ଆହ୍ବାନ ଦେଇଥିଲା ।
ପ୍ରକୃତିକୁ ପ୍ରଭାବିତ କରୁଛି ଆତ୍ୟାଧୁନିକ ଜୀବନଶୈଳୀ । ଜଳବାୟୁ ପରିବର୍ତ୍ତନ ସୃଷ୍ଟି କରୁଛି ସ୍ବାସ୍ଥ୍ୟ ସମସ୍ୟା । ସୁସ୍ଥ ଶରୀର ପାଇଁ ପ୍ରକୃତି ଜୀବନଶୈଳୀ ମଧ୍ୟରେ ଏ ସନ୍ତୁଳନର ଆବଶ୍ୟକତା ରହିଛି । ଚଳିତ ବର୍ଷ ଏହି ଦିବସର ବିଷୟ ରହିଛି 'ଆମ ପୃଥିବୀ ଆମ ସ୍ବାସ୍ଥ୍ୟ' । ପୃଥିବୀରେ ବାସ କରୁଥିବା ପ୍ରତ୍ୟେକ ବ୍ୟକ୍ତିର ସୁସ୍ବାସ୍ଥ୍ୟ ପ୍ରତି ବିଶ୍ବବାସୀଙ୍କ ଧ୍ୟାନ ଆକର୍ଷଣ ପାଇଁ ଚଳିତ ବର୍ଷ ଏହି ବିଷୟବସ୍ତୁ ରଖିବାର ମୁଖ୍ୟ ଉଦ୍ଦେଶ୍ୟ ରହିଛି । ବର୍ଜ୍ୟବସ୍ତୁର ସଠିକ ପରିଚାଳନା, ଜଳ ସଂରକ୍ଷଣ, ଇଯାନ ବ୍ୟବହାର, ବ୍ୟାପକ ବୃକ୍ଷରୋପଣ ଫଳରେ ପୃଥିବୀ ବଞ୍ଚିପାରିବ । ପୃଥିବୀ ପ୍ରକୃତି ବଞ୍ଚିଲେ ସ୍ବାସ୍ଥ ସେବାର ନୂଆ ସମ୍ଭାବନା ସୃଷ୍ଟି ହୋଇ ପାରିବ ।