World greatest places of 2022: ତାଲିକାରେ ସ୍ଥାନ ପାଇଲା ଅହମ୍ମଦାବାଦ ଓ କେରଳ

ଟାଇମ୍ ପତ୍ରିକା ପର୍ଯ୍ୟଟନ କ୍ଷେତ୍ରରେ 2022 ମସିହା ପାଇଁ ବିଶ୍ବର ସର୍ବୋତ୍ତମ ସ୍ଥାନ ମଧ୍ୟରେ ଅହମ୍ମଦାବାଦ ଏବଂ କେରଳକୁ ଅନ୍ତର୍ଭୁକ୍ତ କରିଛି । ପର୍ଯ୍ୟଟନ ପାଇଁ ୫୦ଟି ସ୍ଥାନ ମଧ୍ୟରେ ଏହି ଦୁଇଟି ସହର ସ୍ଥାନ ପାଇଛି । ଅଧିକ ପଢନ୍ତୁ

ହାଇଦ୍ରାବାଦ: ବିଶ୍ବର ଶ୍ରେଷ୍ଠ ପର୍ଯ୍ୟଟନ ସ୍ଥାନ ତାଲିକାରେ ସ୍ଥାନ ପାଇଲା ଅହମ୍ମଦାବାଦ ଏବଂ କେରଳ । ୨୦୨୨ ବର୍ଷ ପାଇଁ ଟାଇମ୍ ପତ୍ରିକା ଏହି ଦୁଇଟି ସହରକୁ ସ୍ଥାନ ଦେଇଛି । ପରିଭ୍ରମଣ କରିବା ପାଇଁ ବିଶ୍ବର ୫୦ଟି ସ୍ଥାନ ମଧ୍ୟରେ ଏହି ଦୁଇଟି ସହର ସ୍ଥାନ ପାଇଛି । ମଙ୍ଗଳବାର ଟାଇମ୍ ପତ୍ରିକା ତରଫରୁ କୁହାଯାଇଛି ଯେ, "ଦେଶ ପର୍ଯ୍ୟଟନ କ୍ଷେତ୍ରରେ ପୁଣିଥରେ ଟ୍ରାକକୁ ଫେରୁଛି । ଭାରତର ପ୍ରଥମ ୟୁନେସ୍କୋ ବିଶ୍ବ ଐତିହ୍ୟ ସହର ଅହମ୍ମଦାବାଦରେ ଉଭୟ ପୁରାତନ ଏବଂ ଆଧୁନିକ ସ୍ଥାନ ରହିଛି, ଯେଉଁଥିପାଇଁ ସାଂସ୍କୃତିକ ପର୍ଯ୍ୟଟନର କେନ୍ଦ୍ରରେ ପରିଣତ ହୋଇଛି ।"

ଟାଇମର କହିବା ଅନୁଯାୟୀ, ସାବରମତି ନଦୀ କୂଳରେ 36 ଏକର ଜମିରେ ଅବସ୍ଥିତ ଶାନ୍ତିପୂର୍ଣ୍ଣ ଗାନ୍ଧୀ ଆଶ୍ରମ ସହିତ ନବରାତ୍ରୀ ପାଇଁ ମଧ୍ୟ ଅହମ୍ମଦାବାଦ ପ୍ରସିଦ୍ଧ ଅଟେ । ଏହାସହ ବିଶ୍ବର ସବୁଠାରୁ ଲମ୍ବା ନୃତ୍ୟ ଉତ୍ସବ ମଧ୍ୟ ୯ ଦିନ ଧରି ପାଳନ କରଯାଏ । ଅନ୍ୟପଟେ ଦକ୍ଷିଣ-ପଶ୍ଚିମ ଉପକୂଳରେ ଥିବା କେରଳ ମଧ୍ୟ ସ୍ଥାନ ପାଇଛି । କେରଳର ବେଳାଭୂମି, ମନ୍ଦିର, ପ୍ରାସାଦ ଚମତ୍କାର ହୋଇଥିବେ ବେଳେ ଏହାକୁ ଭଦବାନଙ୍କ ଦେଶ ବୋଲି ମଧ୍ୟ କୁହାଯାଇଥାଏ । ଶ୍ରେଷ୍ଠ ସ୍ଥାନ ତାଲିକାରେ ରସ ଅଲ ଖୌମା - ସଂଯୁକ୍ତ ଆରବ ଅମିରାତ, ଉଟାହ-ସିଓଲ, ଗ୍ରେଟ ବ୍ୟାରିୟର ରିଫ ଅଷ୍ଟ୍ରେଲିଆ, ଆର୍କଟିକ୍ - ସ୍ପେନ୍, ଟ୍ରାନ୍ସ ଭୁଟାନ ଟ୍ରେଲ୍ - ଭୁଟାନ, ଆନ୍ତର୍ଜାତୀୟ ସ୍ପେସ୍ ଷ୍ଟେସନ୍ - ବୋଗୋଟା ମଧ୍ୟ ସାମିଲ ହୋଇଛି ।