ଲକ୍ଷ୍ନୌ: ଉତ୍ତରପ୍ରଦେଶରେ ପୁଣି ଲଜ୍ଜା । ମହିଳାଙ୍କୁ ଜୋର ଜବରଦସ୍ତ ମଦ ପିଆଇ ଦୁଷ୍କର୍ମ କଲେ ୫ ପିଶାଚ(Woman gang raped by five) । ଦୁଷ୍କର୍ମ ପାଇଁ ସବୁବେଳେ ଚର୍ଚ୍ଚାରେ ରହୁଥିବା ଉତ୍ତରପ୍ରଦେଶର ବାରବାଙ୍କୀ ଜିଲ୍ଲାରୁ ଏହି ଲଜ୍ଜାଜନକ ଘଟଣା ସାମ୍ନାକୁ ଆସିଛି । ଗଣଦୁଷ୍କର୍ମ ପୀଡିତା ପ୍ରଥମେ ଲୋକଲଜ୍ଜ୍ୟାକୁ ଭୟ କରି ଚୁପ୍ ରହିଥିଲେ । କିନ୍ତୁ ପରେ ନିଜ ସ୍ବାମୀଙ୍କୁ ସବୁକଥା କହିଥିଲେ । ଏନେଇ ଥାନାରେ ଅଭିଯୋଗ ହେବାପରେ ପୋଲିସ ମାମଲା ରୁଜୁ କରି ମୁଖ୍ୟ ଅଭିଯୁକ୍ତ କରିଛି । ଅନ୍ୟମାନଙ୍କୁ ଧରିବାକୁ ଖୋଜାଖୋଜି କରାଯାଉଛି ।
ଅଭିଯୋଗ ଅନୁସାରେ, ଗତ ୧୭ ତାରିଖ ଦିନ ମହିଳାଙ୍କ ସହ ଗଣଦୁଷ୍କର୍ମ ହୋଇଥିଲା । ଯାହା ଶୁଣିବାକୁ ମିଳୁଛି, ମହିଳାଙ୍କର ତାଙ୍କ ଗାଁର ଜଣେ ଯୁବକଙ୍କ ସହ ତାଙ୍କର ଭଲ ସମ୍ପର୍କ ଥିଲା । ଯୁବକ ଜଣକ ତାଙ୍କ ଘରକୁ ଅନେକ ସମୟରେ ଯିବା ଆସିବା କରୁଥିଲେ । ସେ ମହିଳାଙ୍କୁ ଏକ ମୋବାଇଲ ମଧ୍ୟ ଦେଇଥିଲେ । ଅନେକ ସମୟରେ ଦୁହେଁ ମୋବାଇଲ ଯୋଗେ କଥାବାର୍ତ୍ତା ହେଉଥିଲେ । ଗତ ୧୭ ତାରିଖ ଦିନ ଯୁବକ ଜଣକ ମହିଳାଙ୍କ ଘରେ ପହଞ୍ଚି ତାଙ୍କ ସ୍ବାମୀ ଡକାଇଥିବା କହିଥିଲେ ଏବଂ ତାଙ୍କୁ ଗାଁ ବାହାରେ ଏକ ଶୂନଶାନ୍ ଜାଗାକୁ ନେଇ ଯାଇଥିଲେ । ସେଠାର ପୂର୍ବରୁ ଯୁବକଙ୍କ ୪ ସହଯୋଗୀ ଉପସ୍ଥିତ ଥିଲେ । ଏହାପରେ ୫ ଜଣ ଯାକ ମିଶି ମହିଳାଙ୍କୁ ଜୋର ଜବରଦସ୍ତ ମଦ ପିଆଇଥିଲେ ଏବଂ ଜଣକ ପରେ ଜଣେ ଦୁଷ୍କର୍ମ କରିଥିଲେ ।