ହାଇଦ୍ରାବାଦ: ବର୍ଷା ଓ କୃତ୍ରିମ ବନ୍ୟା ରିଲିଫ ସହାୟତା ଆବେଦନ ପାଇଁ ଠିଆ ହୋଇଥିବା ବେଳେ ଟଳି ପଡିଲେ ମହିଳା । ବୁଧବାର ହାଇଦ୍ରାବାଦର ଏକ ମେସେବା କେନ୍ଦ୍ରରେ ଧାଡିରେ ଠିଆ ହୋଇଥିବା ବେଳେ ଜଣେ 50 ବର୍ଷୀୟା ମହିଳାଙ୍କ ମୃତ୍ୟୁ ଘଟିଛି । ମୃତକ ହେଲେ ମୁନ୍ନଓ୍ବାର ଉନିସା । ଦୀର୍ଘ ସମୟ ଧରି ଠିଆ ହେବା ଯୋଗୁଁ ତାଙ୍କର ମୃତ୍ୟୁ ହୋଇଛି ।
ନିକଟରେ ତେଲେଙ୍ଗାନା ପ୍ରବଳ ବର୍ଷା ଓ କୃତ୍ରିମ ବନ୍ୟା ଯୋଗୁଁ ବିପୁଳ ଧନ ଜୀବନ ନଷ୍ଟ ହୋଇଥିଲା । ଏନେଇ ତେଲେଙ୍ଗାନା ସରକାରଙ୍କ ପକ୍ଷରୁ ପ୍ରଭାବିତଙ୍କୁ ରିଲିଫ ସହାୟତା ପ୍ରଦାନ କରାଯାଉଛି । ଏହି ସହାୟତା ପାଇବା ପାଇଁ ଲୋକେମାନଙ୍କୁ ଅନଲାଇନରେ ଆବେଦନ କରିବାକୁ ହେଉଛି । ଏଣୁ ରିଲିଫ ଆବେଦନ କରିବାକୁ ହାଇଦ୍ରାବାଦର ମେସେବା କେନ୍ଦ୍ରରେ ଦୀର୍ଘ ସମୟ ଧରି ଧାଡିରେ ଠିଆ ହୋଇଥିବା ବେଳେ ମହିଳା ଜଣକ ଟଳି ପଡିଥିଲେ । ତାଙ୍କୁ ତୁରନ୍ତ ଡାକ୍ତରଖାନା ନିଆଯାଇଥିଲେ ବି ଡାକ୍ତର ମହିଳାଙ୍କୁ ମୃତ ଘୋଷଣା କରିଥିଲେ ।