ଶ୍ରୀନଗର: ଜମ୍ମୁକାଶ୍ମୀରରେ ଭୟଙ୍କର ଅଗ୍ନିକାଣ୍ଡ । ଶୋଇଥିବା ସମୟରେ ଘରେ ଲାଗିଲା ନିଆଁ । ନିଆଁରେ ପୋଡି ହୋଇ ଜଳିଗଲେ ମାଆ ଓ ଦୁଇ ଝିଅ । ରାମବାନ୍ ଜିଲ୍ଲାର ବିଙ୍ଗରା ଗ୍ରାମରେ ବୁଧବାର ବିଳମ୍ବିତ ରାତିରେ ଏହି ଘଟଣା ଘଟିଥିବା ଜଣାପଡିଛି । 3 ମୃତକ ହେଉଛନ୍ତି ନଜମା ବେଗମ୍ ନାମ ଓ ତାଙ୍କ ଦୁଇ ଝିଅ ଇକ୍ରା ଏବଂ ଆସମା । ଅଗ୍ନିକାଣ୍ଡରେ 2 ଜଣ ଆହତ ମଧ୍ୟ ହୋଇଥିବା ବେଳେ ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । କେଉଁ କାରଣରୁ ଘରେ ନିଆଁ ଲାଗିଲା ତାହା ଅସ୍ପଷ୍ଟ ରହିଛି ।
ଏହା ମଧ୍ୟ ପଢନ୍ତୁ-ଦୋକାନରେ ଭୟଙ୍କର ଅଗ୍ନିକାଣ୍ଡ, ଚାଲିଗଲା 4 ଜୀବନ
ପୋଲିସର ସୂଚନା ଅନୁଯାୟୀ, ରାମବାନ୍ ଜିଲ୍ଲାର ବିଙ୍ଗରା ଗ୍ରାମରେ ବୁଧବାର ବିଳମ୍ବିତ ରାତିରେ ଇବ୍ରାହିମ୍ ନାମକ ଜଣେ ବ୍ୟକ୍ତି ଘରେ ନିଆଁ ଲାଗିଯାଇଥିଲା । ସମସ୍ତେ ଖାଇ ପିଇ ରାତିରେ ଶୋଇଥିବା ସମୟରେ ଅଗ୍ନିକାଣ୍ଡ ଘଟିଥିଲା । ଫଳରେ ଘରେ ଶୋଇଥିବା ନଜମା ବେଗମ୍ ନାମକ ଜଣେ ମହିଳା ଓ ତାଙ୍କ ଦୁଇ ଝିଅ ନିଆଁରେ ପୋଡି ହୋଇ ମୃତ୍ୟୁବରଣ କରିଛନ୍ତି । ମହିଳାଙ୍କ ସ୍ବାମୀ ଇବ୍ରାହିମ୍ ଆହତ ହୋଇଥିବା ବେଳେ ତାଙ୍କର ଜଣେ ସମ୍ପର୍କୀୟ ମିର୍ଜା ବେଗମ ଆହତ ମଧ୍ୟ ହୋଇଛନ୍ତି । ଉଭୟଙ୍କୁ ଚିକିତ୍ସା ନିମନ୍ତେ ହସ୍ପିଟାଲ ପଠାଇ ଦିଆଯାଇଛି । ଅଗ୍ନିକାଣ୍ଡରେ 5ଟି ଘର ଜଳି ପୋଡି ପାଉଁଶ ହୋଇଯାଇଛି । କେଉଁ କାରଣରୁ ନିଆଁ ଲାଗିଲା ତାହା ଅସ୍ପଷ୍ଟ ରହିଛି । ତଦନ୍ତ ପରେ ଅଗ୍ନିକାଣ୍ଡର କାରଣ ସ୍ପଷ୍ଟ ହେବ ।