ନୂଆଦିଲ୍ଲୀ: କୋରୋନାର ଦ୍ବିତୀୟ ଲହରୀ ସମସ୍ତଙ୍କୁ ଅସ୍ତବ୍ୟସ୍ତ କଲାଣି । ଦେଶରେ କୋରୋନାର ଦୈନିକ ସଂକ୍ରମଣ 2 ଲକ୍ଷ ପାର କରୁଥିବା ବେଳେ ଗତ 24 ଘଣ୍ଟାରେ 2.60 ଲକ୍ଷ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି ।
ଦେଶର 12ଟି ରାଜ୍ୟରେ ଏବେ ସ୍ଥିତି ସଙ୍ଗୀନ ରହିଛି । ମହାରାଷ୍ଟ୍ର ସବୁଠାରୁ ଅଧିକ ପ୍ରଭାବିତ ରାଜ୍ୟ ହୋଇଥିବା ବେଳେ 24 ଘଣ୍ଟାରେ 60 ହଜାରରୁ ଅଧିକ ନୂଆ ମାମଲା ସାମ୍ନାକୁ ଆସିଛି । ଦେଶର ଅନେକ ରାଜ୍ୟରେ କରୋନା ପୁଣି ତାର କରାଳ ରୂପ ଦେଖାଇଥିବା ବେଳେ ଏବେ ଅନେକ ରାଜ୍ୟରେ ସାପ୍ତାହିକ ଓ ଆଂଶିକ ଲକଡାଉନ ଘୋଷଣା ହୋଇଛି ।
କୋରୋନାର ଏହି ଭୟଙ୍କର ପରିସ୍ଥିତିକୁ ଦେଖିଲେ ଲାଗୁଛି ସାରା ଭାରତ ପୁଣି ଥରେ ହୋଇଯିବନି ତ ଲକଡାଉନ ? ଏନେଇ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କୁ ଏକ ସାକ୍ଷାତକାରରେ ପଚାରିବାରୁ ସେ କହିଛନ୍ତି କି ଗତବର୍ଷ ଲକଡାଉର ଉଦ୍ଦେଶ୍ୟ ଅଲଗା ଥିଲା । ସେତେବେଳେ ଦେଶରେ ଟିକା ନଥିଲା । କିନ୍ତୁ ବର୍ତ୍ତମାନ ପରିସ୍ଥିତି ଭିନ୍ନ ରହିଛି ।
ଆମେ ରାଜ୍ୟଗୁଡିକ ସହ ନିରନ୍ତର ଯୋଗାଯୋଗରେ ଅଛୁ । ରାଜ୍ୟର ସହମତି ଯାହା ରହିବ ଆମେ ସେହି ଅନୁଯାୟୀ ନିଷ୍ପତ୍ତି ନେବୁ । କୋରୋନାର ଦ୍ବିତୀୟ ଲହରୀ ଚିନ୍ତାର ବିଷୟ । ଆମେ ବୈଜ୍ଞାନିକମାନେ ଏହାର ମୁକାବିଲା ପାଇଁ ଦିନରାତି ଚେଷ୍ଟା କରୁଛନ୍ତି । ଦେବେ ମହାମାରୀ ବିରୋଧରେ ଚାଲିଥିବା ଯୁଦ୍ଧରେ ଭାରତ ଜିତିବ ବୋଲି ବିଶ୍ବାସ ପ୍ରକଟ କରିଛନ୍ତି ଶାହ ।
ବ୍ୟୁରୋ ରିପୋର୍ଟ, ଇଟିଭି ଭାରତ