ପାଟନା:ଗୋଟିଏ ପଟେ ବିଜେପି ବିରୋଧରେ ଏକାଠି ହୋଇଥିବା ‘ଇଣ୍ଡିଆ’ ମେଣ୍ଟର ଆବହକ ଓ ସମ୍ଭାବ୍ୟ ପ୍ରଧାନମନ୍ତ୍ରୀ ପ୍ରାର୍ଥୀ ଭାବେ ଚର୍ଚ୍ଚାରେ ଥିବା ବିହାର ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ନାମ ପୁଣି ଥରେ ଏନଡିଏ ମେଣ୍ଟକୁ ଫେରିବା ନେଇ ଚର୍ଚ୍ଚା ହେଉଛି । ନୀତିଶ ବିରୋଧୀ ମେଣ୍ଟ ନୀତିରେ ଅସନ୍ତୁଷ୍ଟ ଓ ‘ଇଣ୍ଡିଆ’ ମେଣ୍ଟରୁ ‘ଏନଡିଏ’ ଫେରିପାରନ୍ତି ବୋଲି ଚର୍ଚ୍ଚା ହେଉଛି । ଆଜି ଏହାରି ମଧ୍ୟରେ ନୀତିଶ ଆଜି ବିଜେପିର ମୂଳ ରାଜନୈତିକ ଦଳ ଭାରତୀୟ ଜନସଂଘର ପ୍ରତିଷ୍ଠାତା ପଣ୍ଡିତ ଦିନଦୟାଲ ଉପାଧ୍ୟାୟଙ୍କ ଜୟନ୍ତ୍ରୀ ସମାରୋହରେ ଅଂଶଗ୍ରହଣ କରିଥିଲେ ।
ଏହି ଏବସରରେ ସେ ବିଜେପି ନେତୃତ୍ବାଧୀନ ‘ଏନଡିଏ’ ମେଣ୍ଟକୁ ଫେରିବା ପାଇଁ ଇଚ୍ଛୁକ ଥିବା କଥା ଗଣମାଧ୍ୟମ ପ୍ରତିନିଧି ପ୍ରଶ୍ନ କରିଥିଲେ । ସେ ବିଜେପି ନେତୃତ୍ବାଧୀନ ଏନଡିଏରେ ମିଶିବା ଚର୍ଚ୍ଚା ପ୍ରଶ୍ନରେ ନୀତିଶ କହିଥିଲେ, କଣ ଚର୍ଚ୍ଚା ହେଉଛି, ତାହା ସେ ଜାଣନ୍ତି ନାହିଁ । ତାହା ଜାଣିବାରେ ମଧ୍ୟ ତାଙ୍କର କୌଣସି ଆଗ୍ରହ ମଧ୍ୟ ନାହିଁ । ଚର୍ଚ୍ଚା ଯିଏ କରୁଛନ୍ତି, ସେମାନଙ୍କୁ କରିବାକୁ ଦିଅନ୍ତୁ । ତାଙ୍କ ପ୍ରଚେଷ୍ଟାରେ କଣ ହୋଇଛି, କେତେ ବଡ ସଫଳତା ମିଳିଛି, ତାହା ସମସ୍ତେ ଜାଣନ୍ତି ବୋଲି ନୀତିଶ କହିଥିଲେ । ନୀତିଶ ସାମ୍ବାଦିକଙ୍କ ଏପରି ପ୍ରଶ୍ନରେ ଆଶ୍ଚର୍ଯ୍ୟଚକିତ ହୋଇ ବ୍ୟଙ୍ଗାତ୍ମକ ଢଙ୍ଗରେ କହିଥିଲେ, ‘ଆପଣ ଏ କଣ ପ୍ରଶ୍ନ କରୁଛନ୍ତି ।’