ନୂଆଦିଲ୍ଲୀ:ଗତ ୩ ମାସ ଧରି ଲାଗି ରହିଥିବା ଋଷ-ୟୁକ୍ରେନ (Russia-Ukraine War) ଯୁଦ୍ଧ ଯୋଗୁଁ ଅନେକ ଦେଶରେ ଖାଦ୍ୟ ସଙ୍କଟ ଦେଖାଦେଇଛି । ଭାରତ ଅନ୍ୟ ରାଷ୍ଟ୍ରକୁ ଗହମ ରପ୍ତାନୀ ଉପରେ ରୋକ ଲଗାଇଛି । ଏହାର ସ୍ପଷ୍ଟୀକରଣ ଦେଇ ଭାରତ (India on wheat export restrictions) କହିଛି ଯେ, "କିଛି ରାଷ୍ଟ୍ର ଉପରେ ଗହମ ରପ୍ତାନୀ ଉପରେ ପ୍ରତିବନ୍ଧକ ଲଗାଯାଇଛି । କାରଣ ଅଧିକ ଆବଶ୍ୟକ କରୁଥିବା ଦେଶଗୁଡ଼ିକୁ ପ୍ରାଥମିକତା ଦିଆଯାଉଥିବା କହିଛନ୍ତି କେନ୍ଦ୍ର ସରକାର ।"
ଖାଦ୍ୟ ସୁରକ୍ଷା ଉପରେ ପ୍ରତିକୂଳ ପ୍ରଭାବକୁ ହ୍ରାସ କରିବା ତଥା ବିଶ୍ବ ବଜାରରେ ପରିବର୍ତ୍ତନକୁ ଦୃଷ୍ଟିରେ ରଖି ଅଭାବୀ ଦେଶକୁ ଗହମ ରପ୍ତାନୀକୁ ସୁନିଶ୍ଚିତ କରିବାରେ ଭାରତ ପ୍ରତିଶ୍ରୁତିବଦ୍ଧ ବୋଲି କହିଛନ୍ତି ଭାରତର ଡେପୁଟି ସ୍ଥାୟୀ ପ୍ରତିନିଧୀ ଆର. ରବୀନ୍ଦ୍ର । ସୋମବାର ସେ ୟୁକ୍ରେନରେ ଆୟୋଜିତ ସୁରକ୍ଷା ପରିଷଦ (Security Council)ରେ ଏହି ସୂଚନା ଦେଇଛନ୍ତି । ଗତ ମାସରେ ଘୋଷିତ ଗହମ ରପ୍ତାନୀ ନୀତି (Wheat export policy) ନିଶ୍ଚିତ କରିବ ଯେ ଆବଶ୍ୟକ କରୁଥିବା ଦେଶଗୁଡ଼ିକୁ ପ୍ରାଥମିକତା ଦିଆଯିବ ।