ସ୍ବାର୍ଥପର ସ୍ତ୍ରୀ ! ବୀମା ଟଙ୍କା ପାଇଁ ନିଜେ ପୋଛି ଦେଲା ମଥା ସିନ୍ଦୁର

ଟଙ୍କା ପାଇଁ ତୁଚ୍ଛ ହେଲା ସ୍ବାମୀ ସ୍ତ୍ରୀର ସାତ ଜନ୍ମର ସମ୍ପର୍କ । ବୀମା ଟଙ୍କା ପାଇଁ ସ୍ବାମୀକୁ ହତ୍ୟା କଲା ସ୍ତ୍ରୀ । ଅଧିକ ପଢନ୍ତୁ

ଚଣ୍ତିଗଡ:ଟଙ୍କା ପାଇଁ ତୁଚ୍ଛ ହେଲା ସ୍ବାମୀ ସ୍ତ୍ରୀର ସାତ ଜନ୍ମର ସମ୍ପର୍କ । ବୀମା ଟଙ୍କା ପାଇଁ ସ୍ବାମୀକୁ ହତ୍ୟା କଲା ସ୍ତ୍ରୀ । ଏଭଳି ବିଭତ୍ସ ହତ୍ୟାକାଣ୍ତ ଘଟିଛି ପଞ୍ଜାବର (Amritsar) ଅମୃତସରରେ । ପୋଲିସ ଅଭିଯୁକ୍ତ ସ୍ତ୍ରୀକୁ ଗିରଫ କରିଛି ।

ସୂଚନା ଅନୁସାରେ,ପଞ୍ଜାବ ଅମୃତସର ବୁଲାରାର (Bulara village in Amritsar) ନିବାସୀ ମନଜୀତ ସିଂ । ଦୀର୍ଘ ୨୦ ବର୍ଷ ଧରି ମନଜିତ ଅସୁସ୍ଥ ଥିବ କାରଣରୁ ଟଙ୍କା ପଇସା ପାଇଁ ସ୍ବାମୀ ଓ ସ୍ତ୍ରୀ ନରିନ୍ଦର କୈର (Narinder Kaur)ଙ୍କ ମଧ୍ୟରେ ସବୁବେଳେ ଝଗଡା ହୁଏ । ହେଲେ ଗତ ୫ ତାରିଖ ଦିନ ସ୍ବାମୀ ମନଜିତଙ୍କ ଔଷଧ ଆଣିବାକୁ ଉଭୟେ ସ୍ବାମୀ-ସ୍ତ୍ରୀ ବଜାରକୁ ଯାଇଥିଲେ । ନରିନ୍ଦର କୈର ଜଣେ ବୀମା ଏଜେଣ୍ଟ(insurance agent) ହୋଇଥିବାରୁ ସେ ନିଜ ସ୍ବାମୀଙ୍କ ନାଁରେ ବୀମା ମଧ୍ୟ କରିଥିଲେ ।

ହେଲେ ସ୍ବାମୀଙ୍କ ନାଁରେ ଥିବା ବୀମା ଟଙ୍କା ହଡପ କରିବା ପାଇଁ ସ୍ତ୍ରୀ କରିଥିଲା ଯୋଜନା । ରାସ୍ତାରେ ସ୍ବାମୀଙ୍କ ସହ ମେଡିସିନ ପାଇଁ ଯିବା ବାଟରେ ଧାରୁଆ ଅସ୍ତ୍ରରେ ମନଜିତଙ୍କୁ ହତ୍ୟା କରି ଫିଙ୍ଗି ଦେଇଥିଲା ସ୍ତ୍ରୀ । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା । କିଛି ଦୁର୍ବୃତ୍ତ ସ୍ବାମୀଙ୍କୁ ହତ୍ୟା କରି ଫିଙ୍ଗି ଦେଇଥିବା ପୋଲିସକୁ କହିଥିଲେ ନରିନ୍ଦର ।

ହେଲେ ତାଙ୍କର ଏ ଚକ୍ରାନ୍ତ ଜାଣି ପାରିଥିଲା ପୋଲିସ । ଘଟଣାର ସାଇଣ୍ଟିଫିକ ଯାଞ୍ଚ ହେବାରୁ ପଦାକୁ ଆସିଥିଲା ପୁରା ଘଟଣା । ଆଉ ନିଜ ସ୍ବାମୀଙ୍କୁ ବୀମା ଟଙ୍କା ପାଇଁ ହତ୍ୟା କରିଥିବା କଥା ମାନିଥିଲେ ନରିନ୍ଦର । ପୋଲିସ ଅଭିଯୁକ୍ତ ସ୍ତ୍ରୀକୁ ଗିରଫ କରି ଅଧିକ ତଦନ୍ତ ଜାରି ରଖିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ