ବେଜିଂ: ଚୀନ ରାଷ୍ଟ୍ରପତି ସି ଜିନପିଙ୍ଗ ନିକଟରେ ଖବରର ଶିରୋନାମା ପାଲଟିଛନ୍ତି । ଯୁଆଡେ ଦେଖିବ ତାଙ୍କରି ଖବର, ତାଙ୍କରି ଚର୍ଚ୍ଚା । କିନ୍ତୁ ଏହି ଥର ତାଙ୍କର ଚର୍ଚ୍ଚା ତାଇୱାନ ବା ହଙ୍ଗକଙ୍ଗକୁ ନେଇ ନୁହେଁ । ଦକ୍ଷିଣ ଚୀନ ସାଗରରେ ଚୀନର ସକ୍ରିୟତାକୁ ନେଇ ମଧ୍ୟ ନୁହେଁ, ମାମଲାଟା ହେଉଛି ଯେ, ଜିଙ୍ଗପିଙ୍ଗ ନିଜର ସ୍ବାସ୍ଥ୍ୟ ନେଇ ଖୁବ୍ ଚର୍ଚ୍ଚାରେ ଅଛନ୍ତି । ତାଙ୍କର ସ୍ବାସ୍ଥ୍ୟବସ୍ଥାକୁ ନେଇ ବିଭିନ୍ନ ପ୍ରକାର ରୋଚକୀୟ ତଥ୍ୟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଗଣମାଧ୍ୟମରେ ମଧ୍ୟ ଏହି ଖବରକୁ ନେଇ ବିଭିନ୍ନ ପ୍ରକାରର ରିପୋର୍ଟ ପ୍ରକାଶିତ ହେଉଛି । ଏହା ପଛରେ ବହୁତ ବଡ କାରଣ ହେଉଛି ଯେ, ସି ଜିନପିଙ୍ଗ ୬୦୦ ଦିନ ମଧ୍ୟରେ କୌଣସି ବିଦେଶ ଯାତ୍ରା କରି ନାହାଁନ୍ତି । ଏଥିପାଇଁ ସୋସିଆଲ ମିଡିଆ ଉଠୁଛି ପଡୁଛି । ବିଶେଷଜ୍ଞ ଏଥି ନେଇ ବହୁ ପ୍ରକାର କାରଣ ମଧ୍ୟ ବାହାର କରିଛନ୍ତି । ତେବେ ଚାଲନ୍ତୁ ଜାଣିବା କଣ ରହିଛି ଏହି କାରଣ...
600 ଦିନ ମଧ୍ୟରେ ବିଦେଶଯାତ୍ରା ଶୂନ:
ମିଡିଆ ରିପୋର୍ଟ ଅନୁସାରେ ଅନ୍ତଃରାଷ୍ଟ୍ରୀୟ ଘଟଣାରେ ସବୁବେଳେ ଚର୍ଚ୍ଚାରେ ରହୁଥିବା ଚୀନ ରାଷ୍ଟ୍ରପତି ସି ଜିନପିଙ୍ଗ ଗତ ୬୦୦ ଦିନ ଧରି କୌଣସି ବିଦେଶ ଯାତ୍ରା କରିନାହାଁନ୍ତି । ଜିନପିଙ୍ଗ ଏହା ପୂର୍ବରୁ ୧୮ ଜାନୁୟାରୀ, ୨୦୨୦ରେ ମିଆଁମାର ଗସ୍ତରେ ଯାଇଥିଲେ । ଏହା ପରଠାରୁ ସେ ବିଦେଶ ଗସ୍ତ କରିନାହାଁନ୍ତି । ମିଡିଆ ରିପୋର୍ଟ ଅନୁସାରେ ତାଙ୍କ ସ୍ବାସ୍ଥ୍ୟ ଠିକ୍ ନ ରହିବା କାରଣରୁ ସେ କୌଣସି ବିଦେଶ ଯାତ୍ରା କରୁନାହାଁନ୍ତି ।
କମ୍ପ୍ୟୁନିଷ୍ଟ ଶାସନରେ ପଡେ ନାହିଁ କୌଣସି ଫରକ:
ପ୍ରଫେସର ହର୍ଷ.ଭି.ପନ୍ତ କୁହନ୍ତି ଯେ, ଚୀନରେ କମ୍ପ୍ୟୁନିଷ୍ଟ ପାର୍ଟିର ସରକାର । ସେଠାରେ କୌଣସି ନିର୍ବାଚିତ ହୋଇଥିବା ଲୋକତାନ୍ତ୍ରିକ ସରକାର ନାହିଁ । କମ୍ପ୍ୟୁନିଷ୍ଟ ଶାସନରେ ରାଷ୍ଟ୍ରପତି ସାଧାରଣ ଜନତାଙ୍କ ପ୍ରଶ୍ନର ଉତ୍ତର ଦେବାକୁ ବାଧ୍ୟ ହୋଇ ନଥାଏ । ଏହି ଶାସନରେ କୌଣସି ବିରୋଧୀ ଦଳ ନ ଥାଏ । ଯିଏ ସରକାରଙ୍କୁ ପ୍ରଶ୍ନ କରିପାରିବ । ଲୋକତାନ୍ତ୍ରିକ ସରକାରରେ ଜନତାଙ୍କ ପ୍ରଶ୍ନର ଉତ୍ତର ଦେବାକୁ ହୋଇଥାଏ । ବିପକ୍ଷରେ ଥିବା ସରକାର ସିଧା ପ୍ରଶ୍ନ କରିଥାଏ, ତେଣୁ ଏହାର ମଧ୍ୟ ଉତ୍ତର ଦେବାକୁ ପଡିଥାଏ । କିନ୍ତୁ ଜିନପିଙ୍ଗ କ୍ଷେତ୍ରରେ ଏହା ଲାଗୁ ନୁହେଁ । ସେ ୬୦୦ ଦିନ ମଧ୍ୟରେ କୌଣସି ବୈଦେଶିକ ଯାତ୍ରା କରିନାହାଁନ୍ତି, କିନ୍ତୁ ଚୀନରେ ତାଙ୍କୁ ଏ ସମ୍ପର୍କରେ କେହି ପ୍ରଶ୍ନ ପଚାରିପାରିବେ ନାହିଁ । ପନ୍ତ କୁହନ୍ତି ଯେ, କିଛି ଦିନ ତଳେ ଉତ୍ତର କୋରିଆର ନେତା କିମ୍ ଜୋଙ୍ଗ ଉନ ମଧ୍ୟ ଗାୟବ ହୋଇଯାଇଥିଲେ । ସେହି ସମୟରେ ମଧ୍ୟ ଏ ନେଇ ଖୁବ୍ ଚର୍ଚ୍ଚା ହୋଇଥିଲା । ମିଡିଆ ରିପୋର୍ଟରୁ ଶୁଣିବାକୁ ମିଳିଥିଲା ଯେ, କିମ୍ଙ୍କ ସ୍ବାସ୍ଥ୍ୟଗତ ସମସ୍ୟା ଠିକ୍ ନ ଥିଲା । କିଛି ଦିନର ନାଟକୀୟ ଅନ୍ଦାଜ ପରେ କିମ୍ ଦୃଶ୍ୟମାନ ହୋଇଥିଲେ ।
ବ୍ୟକ୍ତିଗତ ସାକ୍ଷାତ ବନ୍ଦ:
ଗଣମାଧ୍ୟମ ରିପୋର୍ଟ ଅନୁସାରେ କେବଳ ବିଦେଶ ଯାତ୍ରା ନୁହେଁ, ଜିନପିଙ୍ଗ କୌଣସି ବୈଦେଶିକ ମନ୍ତ୍ରୀଙ୍କ ସହ ସାକ୍ଷାତ ମଧ୍ୟ କରୁନାହାଁନ୍ତି । ସମସ୍ତ ବ୍ୟକ୍ତିଗତ ସାକ୍ଷାତକୁ ରଦ୍ଦ କରୁଛନ୍ତି ଜିନପିଙ୍ଗ । ଏହାର କାରଣ କଣ ହୋଇଥାଏ ପାରେ, ତାହା କେହି ସଠିକ୍ ଭାବେ ଅନୁମାନ କରିପାରୁ ନାହାଁନ୍ତି ।
କେବଳ ଟେଲିଫୋନରେ କଥାବାର୍ତ୍ତା: