ବିଶ୍ବଶର୍ମାଙ୍କ ବୟାନ, ପୋଲିସ ଉପରେ ଗୁଳି ଚଳାଇଲେ ମିଳିବ ଜବାବ

ଅପରାଧ ଉପରେ ଅଙ୍କୁଶ ଲଗାଇବା କ୍ଷେତ୍ରରେ ପୋଲିସ କାର୍ଯ୍ୟାନୁଷ୍ଠାନକୁ ନେଇ ବୟାନ ଦେଇଛନ୍ତି ବିଶ୍ବଶର୍ମା । ଅଧିକ ପଢନ୍ତୁ...

ଦିସପୁର: ଆସାମରେ ଗାଦି ସମ୍ଭାଳିବାର 2 ମାସ ଭିତରେ ତାଙ୍କ ଶାସନରେ ପୋଲିସର ଫେକ ଏନକାଉଣ୍ଟର ଅଭିଯୋଗ ନେଇ ମାନବାଧିକାର ଉଲ୍ଲଂଘନର ସାମ୍ନା କରୁଛନ୍ତି ହିମନ୍ତ ବିଶ୍ବ ଶର୍ମା ସରକାର । ଏହାରି ମଧ୍ୟରେ ରାଜ୍ୟରେ ଅପରାଧ ଉପରେ ଅଙ୍କୁଶ ଲଗାଇବା କ୍ଷେତ୍ରରେ ପୋଲିସ କାର୍ଯ୍ୟାନୁଷ୍ଠାନକୁ ନେଇ ବୟାନ ଦେଇଛନ୍ତି ବିଶ୍ବଶର୍ମା ।

ମୁଖ୍ୟମନ୍ତ୍ରୀ ହିମନ୍ତ ବିଶ୍ବ ଶର୍ମା କହିଛନ୍ତି, ଯେପର୍ଯ୍ୟନ୍ତ ସେ ଆସାମର ଦାୟିତ୍ବରେ ଅଛନ୍ତି ସେ ପର୍ଯ୍ୟନ୍ତ ଅପରାଧୀଙ୍କ ବିରୋଧରେ ପୋଲିସ ଆଇନ ମଧ୍ୟରେ ରହି 'ଅତ୍ୟଧିକ କାର୍ଯ୍ୟାନୁଷ୍ଠାନ' ଜାରି ରଖିବ । ରାଜ୍ୟ ଗୃହ ବିଭାଗ ଦାୟିତ୍ବରେ ଅଛନ୍ତି ମୁଖ୍ୟମନ୍ତ୍ରୀ ବିଶ୍ବଶର୍ମା ।

ଜୁନ ପହିଲାରୁ ନେଇ ବର୍ତ୍ତମାନସୁଦ୍ଧା ହୋଇସାରିଲାଣି 20 ଏନକାଉଣ୍ଟର । 40 ଦିନରେ 20 ଏନକାଉଣ୍ଟର । ଯାହାଫଳରେ ଜାତୀୟ ମାନବାଧିକାର ନିକଟରେ ଏ ସମସ୍ତ ଏନକାଉଣ୍ଟରକୁ ଫେକ ବୋଲି ଦର୍ଶାଇ ଫେରାଦ ହୋଇଛନ୍ତି ଦିଲ୍ଲୀର ଆଇନଜୀବୀ ଆରିଫ ଜ୍ବାଦର ।