ନୂଆଦିଲ୍ଲୀ: ଲୋକପ୍ରିୟ ତଥା ବହୁଳ ବ୍ୟବହୃତ ସୋସିଆଲ ମିଡିଆ ପ୍ଲାଟଫର୍ମ ହ୍ବାଟ୍ସଆପର ଇଣ୍ଡିଆର ମୁଖ୍ୟ ଅଭିଜିତ ବୋଷ ଇସ୍ତଫା ଦେଇଛନ୍ତି (Abhijit Bose step down)। ବୋଷଙ୍କ ସହ ଫେସବୁକ ଇଣ୍ଡିଆର ଜନନୀତି ମୁଖ୍ୟ ରାଜୀବ ଅଗ୍ରଓ୍ବାଲ ମଧ୍ୟ ନିଜ ପଦରୁ ଇସ୍ତଫା ଦେଇଛନ୍ତି । ଉଭୟ ସୋସିଆଲ ମିଡିଆ ପ୍ଲାଟଫର୍ମର ମୂଳ କମ୍ପାନୀ ମେଟା 11 ହଜାର କର୍ମଚାରୀଙ୍କୁ ଛଟେଇ ନିଷ୍ପତ୍ତି ନେବା ପରେ ଉଭୟ ଅଧିକାରୀ ଇସ୍ତଫା ଦେଇଥିବା ଚର୍ଚ୍ଚା ହେଉଛି (Facebook Public Policy Director step down)।
ନଭେମ୍ବର 9 ତାରିଖରେ ଉଭୟ ସଂସ୍ଥାର ମୂଳ କମ୍ପାନୀ ମେଟା ନିଜର ମୋଟ ମାନବ ସମ୍ବଳର 9 ପ୍ରତିଶତ ହ୍ରାସ କରିବା ପାଇଁ ନଷ୍ପତ୍ତି ନେଇଥିଲା । ଏହି ଅନୁପାତରେ ସଂସ୍ଥା ମୋଟ 11 ହଜାର କର୍ମଚାରୀଙ୍କୁ ବାଧ୍ୟତାମୂଳକ ସେବାନିବୃତ୍ତ କରିବାକୁ ଯାଉଥିବା ନେଇ ସଂସ୍ଥାର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ମାର୍କ ଜୁକରବର୍ଗ ସୂଚନା ଦେଇଥିଲେ ।