କୋଲକାତା:ପଶ୍ଚିମବଙ୍ଗ ହୁଗୁଳି ଜିଲ୍ଲାରେ ଅଶାନ୍ତି ଲାଗି ରହିଛି । ଗତକାଲି (ସୋମବାର) ପଥରମାଡ ହୋଇଥିବା ଘଟଣା ସାମ୍ନାକୁ ଆସିଛି । ରିଶରା ରେଳ ଷ୍ଟେସନରେ ସମସ୍ତ ମେଲ ଏକ୍ସପ୍ରେସକୁ ପଥର ମାଡ ହୋଇଛି ଫଳରେ ରେଳ ସେବା ପ୍ରଭାବିତ ହୋଇଛି । ପୂର୍ବ ରେଲୱେ ମୁଖ୍ୟ ଅଧିକାରୀ କୌଶିକ ମିରୋନ କହିଛନ୍ତି ରିଶରା ରେଲୱେ ଷ୍ଟେସନରେ ପଥରମାଡ ହୋଇଛି । ସାଧାରଣ ଲୋକଙ୍କ ସୁରକ୍ଷା ପାଇଁ ହାୱାଡା-ବର୍ଦ୍ଧମାନ ମେନ ରେଲୱେର ସମସ୍ତ ଲୋକାଲ ଏବଂ ମେଲ ଏକ୍ସପ୍ରେସ ଟ୍ରେନ ସେବା ସ୍ଥଗିତ କରାଯାଇଛି । ପଶ୍ଚିମବଙ୍ଗ ରାଜ୍ୟପାଳ ଆନନ୍ଦ ବୋଷ ପଥରମାଡ ହୋଇଥିବା ରିଶରା ପରିଦର୍ଶନ କରିଛନ୍ତି ।
ସୂଚନାଅନୁସାରେ, ଅପ୍ରିତିକର ପରିସ୍ଥିତି ଓ ହିଂସା ଉପରେ ରୋକ ଲଗାଇବାକୁ ସ୍ଥାନୀୟ ପୋଲିସ ଏବଂ ଆରଏଏଫ ମୁତୟନ କରାଯାଇଛି । ରବିବାର ହୁଗୁଳିରେ ଭାରତୀୟ ଜନତା ପାର୍ଟିର ଶୋଭାଯାତ୍ରା ସମୟରେ ହୋଇଥିବା ହିଂସାର ଗୋଟିଏ ଦିନପରେ ପଥରମାଡ ଘଟଣା ସାମ୍ନାକୁ ଆସିଛି । ରାଜ୍ୟ ସରକାର ଜିଲ୍ଲାରେ ଇଣ୍ଟରନେଟ ସେବା ବନ୍ଦ କରିଛନ୍ତି । ହାୱାଡା- ବର୍ଦ୍ଧମାନ ରୁଟରେ ସମସ୍ତ ଟ୍ରେନ ଚଳାଚଳ ବନ୍ଦ ରହିଛି । ଯାତ୍ରୀଙ୍କ ସୁରକ୍ଷା ପାଇଁ ଏହି ପଦକ୍ଷେପ ଗ୍ରହଣ କରିଛନ୍ତି ରାଜ୍ୟ ସରକାର । ଷ୍ଟେସନ ବାହାରେ ବ୍ୟାପକ ପୋଲିସ ମୁତୟନ ହୋଇଛନ୍ତି ।
ପଶ୍ଚିମବଙ୍ଗ ରାଜ୍ୟପାଳ ଆନନ୍ଦ ବୋଷ ପଥରମାଡ ହୋଇଥିବା ରିଶରା ପରିଦର୍ଶନ କରିଛନ୍ତି । ଘଟଣାସ୍ଥଳ ପରିଦର୍ଶନ କରି ରାଜ୍ୟପାଳ କହିଛନ୍ତି,'' ହିଂସାରେ ଜଡିତ ସମସ୍ତଙ୍କ ଉପରେ ଦୃଢ କାର୍ଯ୍ୟନୁଷ୍ଠାନ ଗ୍ରହଣ କରାଯିବ । ଦୁର୍ବୃତ୍ତଙ୍କୁ ଆଇନକୁ ହାତକୁ ନେବାକୁ ଦିଆଯିବ ନାହିଁ । କିଛି ଦିନ ଦେବ ଏହି ହିଂସାକୁ ନେଇ ବେଙ୍ଗଲ ସମସ୍ୟାରେ ରହିଛି ଏହା ଶୀଘ୍ର ସମାପ୍ତ ହେବ ।''