କୋଲକାତା: ପଶ୍ଚିମବଙ୍ଗ ବିଧାନସଭା ନିର୍ବାଚନ ପରେ ଜାରି ରହିଛି ରାଜନୈତିକ ସଂଘର୍ଷ । ଏହାରି ମଧ୍ୟରେ ଗୁରୁବାର ରାଜ୍ୟପାଳ ଜଗଦୀପ ଧନଖର ହିଂସା ପ୍ରଭାବିତ ଅଞ୍ଚଳର ଗସ୍ତରେ ବାହାରିଲେ, ସେବେ ତାଙ୍କୁ ବିରୋଧର ସାମ୍ନା କରିବାକୁ ପଡିଥିଲା । କୁଚବିହାରର ଦିନହଟାରେ ରାଜ୍ୟପାଳ ଧନଖରଙ୍କ ସାମ୍ନାରେ ଗୋ ବ୍ୟାକର ନାରା ଲାଗିବା ସହ ତାଙ୍କୁ କଳାପତାକା ଦେଖାଯାଇଛି । ବିରୋଧ ପ୍ରଦର୍ଶନରେ ନାରାଜ ହୋଇଯାଇଥିଲେ ରାଜ୍ୟପାଳ ।
ପଶ୍ଚିମବଙ୍ଗ ରାଜ୍ୟପାଳ ଜଗଦୀପ ଧନଖର ଗୁରୁବାର ହିଂସାରେ ପୀଡିତ ପରିବାରକୁ ଭେଟିବା ପାଇଁ ବାହାରିଥିଲେ । ଗସ୍ତ ସମୟରେ ରାଜ୍ୟପାଳ ଧନଖରଙ୍କୁ କୁଚବିହାରରେ ବିରୋଧ କରାଯାଇଥିଲା । ଗୋ ବ୍ୟାକ୍ର ନାରା ଦେଇଥିଲେ ପ୍ରଦର୍ଶନକାରୀ ।
ଧନଖର ଉତ୍ତର ବଙ୍ଗର କୁଚବିହାର ଜିଲ୍ଲାର ମଥାଭଙ୍ଗା ଏବଂ ସୀତଲକୁଚୀ ହିଂସାରେ ପ୍ରଭାବିତ ପରିବାରକୁ ଭେଟିଥିଲେ । ଏହି ଗସ୍ତ ସମୟରେ କିଛି ମହିଳା କାନ୍ଦିବା ସହ ରାଜ୍ୟପାଳଙ୍କ ପାଦତଳେ ପଡ଼ିଥିବାର ନଜର ଆସିଥିଲେ । ହିଂସାରେ ଜିନିଷ ଲୁଟ ହୋଇଥିବାବେଳେ ଘରର ପୁରୁଷଙ୍କୁ ଜୀବନ ବଞ୍ଚାଇବା ପାଇଁ ପଳାୟନ କରିବାକୁ ପଡିଥିବା ଅଭିଯୋଗ କରିଥିଲେ ମହିଳା ।