ଗୌହାଟୀ: ପଶ୍ଚିମବଙ୍ଗ ଓ ଆସାମରେ ଆଗକୁ ଅଛି ବିଧାନସଭା ନିର୍ବାଚନ । ଏହାକୁ ଦୃଷ୍ଟିରେ ରଖି ବିଭିନ୍ନ ରାଜନୈତିକ ଦଳ ନିଜର ରଣନୀତି ଆରମ୍ଭ କଲେଣି । କେନ୍ଦ୍ର ଗୃହମନ୍ତ୍ରୀ ତଥା ବିଜେପି ନେତା ଅମିତ ଶାହ ଗୁରୁବାର ସକାଳେ ଗୌହାଟୀରେ ପହଞ୍ଚିଛନ୍ତି । ଆସାମର ଚିରାଙ୍ଗ ଜିଲ୍ଲାସ୍ଥିତ ଗ୍ରେଟର କୋଚ ବେହେରା ପିପୁଲ୍ସ ଆସୋସିଏସନ୍ (ଜିସିପିଏ) ର ମୁଖ୍ୟ କୋଚ-ରାଜବୋଙ୍ଗସିର ମହାରାଜ ଅନନ୍ତ ରାୟଙ୍କ ସହ ଅମିତ ଶାହ ଭେଟିବେ ବୋଲି ଆଶା କରାଯାଉଛି।
ଏହା ପରେ ସେ ପଶ୍ଚିମବଙ୍ଗର କୋଚ ବେହେରା ଠାରୁ ବିଜେପିର ଚତୁର୍ଥ 'ପରିବର୍ତ୍ତନ ଯାତ୍ରା'କୁ ପତାକା ଦେଖାଇବେ ବୋଲି ସୂଚନା ଦେଇଛନ୍ତି ଅମିତ ଶାହ । ସେ ଟ୍ବିଟ ଜରିଆରେ କହିଛନ୍ତି ଯେ, ‘ଆସନ୍ତାକାଲି ପଶ୍ଚିମବଙ୍ଗ ବିଜେପିର ଚତୁର୍ଥ ପରିବର୍ତ୍ତନ ଯାତ୍ରୀଙ୍କୁ କୋଚ ବେହେରାରୁ ପତାକା ଉତ୍ତୋଳନ କରିବା ସହ ଠାକୁରନଗରରେ ଏକ ଜନସମାବେଶ ଆଯୋଜିତ ହେବ।’