କୋଲକାତା:ପରିବେଶ ସୁରକ୍ଷା ଜୀବନ ରକ୍ଷା, ଗଛ ଲଗାନ୍ତୁ ଜୀବାନ୍ତୁ ... ଏହି ନାରାକୁ ବେଶ ହୃଦୟଙ୍ଗମ କରିଛନ୍ତି ପଶ୍ଚିମବଙ୍ଗର ଜଣେ ଶିକ୍ଷକ । ପରିବେଶ ସୁରକ୍ଷା ପାଇଁ ସେ ଦିର୍ଘ ୩୫ ବର୍ଷ ହେଲା ଚେଷ୍ଟା ଜାରି ରଖିଛନ୍ତି । ଏଥି ପାଇଁ ପ୍ରତ୍ୟେକ ଦିନ ସାଇକେଲରେ ଯାତ୍ରା କରି ସମସ୍ତଙ୍କୁ ବୃକ୍ଷରୋପଣ କରିବାକୁ ଉତ୍ସାହିତ କରୁଛନ୍ତି ଶିକ୍ଷକ ସୁପ୍ରିୟ କୁମାର । ସେ ବୋଲପୁର ଉଚ୍ଚ ମାଧ୍ୟମିକ ବିଦ୍ୟାଳୟରେ ପ୍ରଧାନ ଶିକ୍ଷକ ଭାବେ କାର୍ଯ୍ୟରତ । ପେଶା ତାଙ୍କର ଶିକ୍ଷକତା ହୋଇଥିବା ବେଳେ ନିଶା କିନ୍ତୁ ପରିବେଶକୁ ସୁରକ୍ଷା ରଖିବା । ଏଥି ପାଇଁ ଦିର୍ଘ ୩୫ ବର୍ଷ ହେଲା ଏକ ସାଇକେଲରେ ପରିବେଶ ସୁରକ୍ଷାର ସ୍ଲୋଗାନ ଲେଖି ବୁଲି ବୁଲି ଲୋକଙ୍କୁ ସଚେତନ କରିବା ସହ ବୃକ୍ଷରୋପଣ ପାଇଁ ଉତ୍ସାହିତ କରୁଛନ୍ତି ।
ବୋଲପୁରର ସୁରୁଲ ଲୋୟର ପ୍ରାଥମିକ ବିଦ୍ୟାଳୟରେ ପ୍ରାଥମିକ ଶିକ୍ଷା ପରେ ଡ. ସୁପ୍ରିୟା କୁମାର ସାଧୁ ବିଶ୍ୱ-ଭାରତରେ ଅଧ୍ୟୟନ କରିଥିଲେ ଏବଂ କୃଷି ଉପରେ ଗବେଷଣା କରିଥିଲେ । ଏହା ପରେ ସେ ମୁର୍ସିଦାବାଦ ଜିଲ୍ଲାର ରଘୁନାଥଗଞ୍ଜର ଏକ ଗ୍ରାମ ବିଦ୍ୟାଳୟରେ ପାଠ ପଢାଇବା ଆରମ୍ଭ କରିଥିଲେ। ସେଠାରେ 10 ବର୍ଷ ଶିକ୍ଷାଦାନ କରିବା ପରେ ସେ ବୋଲପୁର ଉଚ୍ଚ ବିଦ୍ୟାଳୟରେ ଶିକ୍ଷାଦାନ କରିଥିଲେ।ପରେ ତାଙ୍କୁ ଏହି ବିଦ୍ୟାଳୟର ପ୍ରଧାନ ଶିକ୍ଷକ ଭାବରେ ନିଯୁକ୍ତ କରାଯାଇଥିଲା। ଏହି ବିଦ୍ୟାଳୟରେ ୨୫ ବର୍ଷ ପାଠ ପଢାଇବା ପରେ ଚଳିତ ମାସ ଅବସର ନେବାକୁ ଯାଉଛନ୍ତି । 2018ରେ ତାଙ୍କୁ 'ଶିଖ୍ ରତ୍ନ' ପୁରସ୍କାରରେ ସମ୍ମାନିତ କରାଯାଇଥିଲା । ତେବେ ଶିକ୍ଷକତା ପୂର୍ବରୁ ସେ ପରିବେଶ ସୁରକ୍ଷା ନେଇ ଲୋକଙ୍କୁ ସଚେତନ କରିଆସୁଛନ୍ତି । ଏଥି ପାଇଁ ସେ ପରିବେଶ ସୁରକ୍ଷାର କାର୍ଯ୍ୟକର୍ତ୍ତା ଭାବେ ଜଣାଶୁଣା ।