ଶ୍ରୀନଗର: ଜମ୍ମୁ ଓ କାଶ୍ମୀରରେ ଧାରା 370 ଉଚ୍ଛେଦକୁ ନେଇ ବିଚଳିତ ହୋଇପଡିଥିବା ପୂର୍ବତନ ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା ପୂନର୍ବାର ବିଜେପିକୁ କରିଛନ୍ତି ଟାର୍ଗେଟ । ଘାଟିର ଏକ କାର୍ଯ୍ୟକ୍ରମରେ ବିଜେପିର ନାଁ ନନେଇ ଓମାର ଅବଦୁଲ୍ଲା କହିଛନ୍ତି, ଧାରା 370 ଓ 35 ଏ ଉଚ୍ଛେଦ ଜାମ୍ମୁ ଓ କାଶ୍ମୀରର ପାଇଁ ସବୁଠୁ ବଡ ଭୁଲ । ତେବେ ଗୁରୁବାର ଏକ ଟ୍ବିଟରେ ଅବଦୁଲ୍ଲା ନିଜ ଗିରଫଦାରୀ ବିରୋଧରେ ଶାସକ ଦଳ ଉପରେ ଅଭିଯୋଗ ଆଣିଥିଲେ ।
ଧାରା 370 ଉଚ୍ଛେଦ ପୂର୍ବରୁ ପୂର୍ବତନ ମୁଖ୍ୟମନ୍ତ୍ରୀ ଓମାର ଅବଦୁଲ୍ଲାଙ୍କୁ ଗୃହବନ୍ଦୀ କରାଯାଇଥିଲା । ଏହାସହ ଏନସି ମୁଖିଆ ଫାରୁକ ଅବଦୁଲ୍ଲାଙ୍କୁ ମଧ୍ୟ କରାଯାଇଥିଲା ଗିରଫ । କାର୍ଯ୍ୟକ୍ରମରେ ଓମାର କହିଛନ୍ତି, ସରକାର କହିଥଲେ ଯେ ଧାରା 370 ଏବଂ 35A ଉଚ୍ଛେଦ କରିବା ଦ୍ବାରା ଭାରତୀୟ ପ୍ରଶାସନ ଠାରୁ ପୃଥକ ଭାବରେ ରହୁଥିବା ଲୋକ ଦେଶ ସହିତ ଯୋଡି ହୋଇଯିବେ। ହେଲେ ମୁଁ ସେମାନଙ୍କୁ କହିବାକୁ ଚାହେଁ ଯେ ଏଭଳି ପଦକ୍ଷେପ ଦ୍ବାରା ଲୋକମାନେ ପୂର୍ବ ଅପେକ୍ଷା ଅଧିକ ବିଚ୍ଛିନ୍ନ ହୋଇଯାଇଛନ୍ତି ।