ରାଞ୍ଚି:ସୁରକ୍ଷା ବାହିନୀଙ୍କ ନକ୍ସଲ ନିପାତ ଅଭିଯାନ । ଝାଡଖଣ୍ତର କ୍ରୁରମଗ୍ରା ଜଙ୍ଗଲ ଅଞ୍ଚଳରେ 209 ତମ ବାଟାଲିୟନର କୋବ୍ରା ଟିମ ଓ ଝାଡଖଣ୍ତ ପୋଲିସର ମିଳିତ ଅପରେସନରେ ସଫା ହୋଇଛି ଟପ ନକ୍ସଲ ବୁଦ୍ଧେଶ୍ବର ଓରାନ । ଯାହାଙ୍କ ମୁଣ୍ତ ଉପରେ ରହିଥିଲା 15 ଲକ୍ଷ ଟଙ୍କାର ପୁରସ୍କାର ରାଶି ।
ସୂଚନା ଅନୁସାରେ, କ୍ରୁରମଗ୍ରା ଜଙ୍ଗଲ ଅଞ୍ଚଳରେ ନକ୍ସଲ ବୁଦ୍ଧେଶ୍ବର ଓରାନ ସହ ତାର ସହଯୋଗୀ ଲୁଚି ରହିଥିବାର ଖବର ପାଇଥିଲେ ସୁରକ୍ଷା ବାହିନୀ । ପରେ ଆରମ୍ଭ ହୋଇଥିଲା ଅପରେସନ । ପୁରା ଅଞ୍ଚଳକୁ ଘେରାବନ୍ଧୀ କରି ନେଇଥିଲେ କୋବ୍ରା ବାହିନୀ ସହ ପୋଲିସ । ନକ୍ସଲଙ୍କ ପକ୍ଷରୁ ସୁରକ୍ଷା ବାହିନୀଙ୍କ ଆଡକୁ ଗୁଳି ବର୍ଷଣ ଆରମ୍ଭ ହୋଇଥିଲା । ଯାହାର ପ୍ରତି ଜବାବ ଦେଇଥିଲେ ସୁରକ୍ଷା ବାହିନୀ । ପରେ ଛତ୍ରଭଙ୍ଗ ଦେଇଥିଲେ ବୁଦ୍ଧେଶ୍ବରର ସହଯୋଗୀ । ଆଉ ଅପରେସନରେ ଟଳି ପଡିଥିଲା ଟପ ନକ୍ସଲ ବୁଦ୍ଧେଶ୍ବର ।