ହାଇଦ୍ରାବାଦ:ଲୋକପ୍ରିୟ ତାମିଲ କଣ୍ଠଶିଳ୍ପୀ ବାଣୀ ଜୟରାମଙ୍କ ସନ୍ଦେହଜନକ ମୃତ୍ୟୁ ଘଟିଛି । ଚେନ୍ନାଇ ସ୍ଥିତ ତାଙ୍କ ବାସଭବନରୁ ତାଙ୍କ ମୃତଦେହ ଉଦ୍ଧାର ହୋଇଛି । ମୃତ୍ଯୁର କାରଣ ବର୍ତ୍ତମାନ ସୁଦ୍ଧା ମଧ୍ୟ ସ୍ପଷ୍ଟ ହୋଇନାହିଁ । ତେବେ ଚଳିତବର୍ଷ ସମ୍ମାନଜନକ ପଦ୍ମଭୂଷଣ ସମ୍ମାନ ପାଇଁ ତାଙ୍କ ନାମ ଘୋଷଣା କରାଯାଇଥିଲା । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ବାଣୀଙ୍କୁ 78 ବର୍ଷ ବୟସ ହୋଇଥିଲା । 2018 ରେ ତାଙ୍କ ସ୍ବାମୀଙ୍କର ଦେହାନ୍ତ ହୋଇଥିଲା । ବାଣୀ ତାମିଲ ଓ ଅନ୍ୟ ଦକ୍ଷିଣ ଭାରତୀୟ ଭାଷା ସମେତ 19 ଭାଷାରେ ପ୍ରାୟ 10 ହଜାରରୁ ଅଧିକ ଗୀତ ଗାଇ ସ୍ରୋତାଙ୍କ ଆଦୃତି ପାଇଥିଲେ । 1971ରୁ କଣ୍ଠଦାନ ଆରମ୍ଭ କରିଥିବା ବାଣୀ ପ୍ରାୟ 5 ଦଶନ୍ଧି ଧରି ସଙ୍ଗୀତ ଜଗତରେ ସକ୍ରିୟ ରହିଥିଲେ । ରାଜ୍ୟ ସମେତ ଜାତୀୟ ସ୍ତରରେ ଅନେକ ପୁରସ୍କାର ଓ ସ୍ବୀକୃତି ମଧ୍ୟ ପାଇଥିଲେ ବାଣୀ ।