ଜେନେଭା:ଦେଶରେ ଦିନକୁ ଦିନ ବୃଦ୍ଧି ହେବାରେ ଲାଗିଛି ଓମିକ୍ରନ ସଂକ୍ରମଣ ( Omicron in India) । ଓମିକ୍ରନରୁ ନିଜକୁ ସୁରକ୍ଷିତ ରଖିବାକୁ ହେଲେ ଟିକା ନେବା ଜରୁରୀ ବୋଲି କହିଛନ୍ତି ଡବ୍ଲୁଏଚଓ (WHO)ର ସାଇଣ୍ଟିଷ୍ଟ ସୌମ୍ୟା ସ୍ବାମୀନାଥନ (Dr Soumya Swaminathan) । କୋରୋନା ଟିକାଟି ସେଲ ଇମ୍ୟୁନିଟି ମଧ୍ୟ ବୃଦ୍ଧି କରୁଛି । ଏହା ଆମକୁ ରୋଗରୁ ରକ୍ଷା କରିବ ବୋଲି ସେ କହିଛନ୍ତି । ଯେଉଁମାନେ ଟୀକାକରଣ କରିନାହାନ୍ତି ସେମାନେ ଖୁବଶିଘ୍ର ଟୀକାକରଣ କରିବାକୁ ସେ ଅନୁରୋଧ କରିଛନ୍ତି ।
ଓମିକ୍ରନ ବିରୋଧରେ କାମକରୁଛି ଟୀକାକରଣ, ସମସ୍ତଙ୍କୁ ଟିକା ନେବାକୁ ଅନୁରୋଧ କଲେ WHOର ସାଇଣ୍ଟିଷ୍ଟ
ତେବେ କୋରୋନା ମହାମାରୀ ସମୟରେ ଓମିକ୍ରନ ସଂକ୍ରମଣକୁ ଏଡାଇବାରେ ଟିକା ଫଳପ୍ରଦ ହେଉଛି । ଅନେକ ଦେଶରେ ଏବେ ଓମିକ୍ରନ ସଂକ୍ରମଣ ବୃଦ୍ଧି ପାଉଛି ହେଲେ ଏହା ଏତେ ଗମ୍ଭୀର ନୁହଁ ବୋଲି ସେ କହିଛନ୍ତି । ଆଶା କରାଯାଉଛି ଟି ସେଲ ଇମ୍ୟୁନିଟି ଓମିକ୍ରନ ବିରୋଧରେ ଭଲ ପ୍ରଭାବ ପକାଇବ । ଜରୁରୀକାଳୀନ ବ୍ୟବହାର ପାଇଁ WHO ଦ୍ୱାରା ଅନୁମୋଦିତ ଟିକାର ପ୍ରଭାବ ଭିନ୍ନ ଭିନ୍ନ । କିନ୍ତୁ ଅନୁମୋଦିତ ସମସ୍ତ ଟିକା ଗୁଡିକରେ ସୁରକ୍ଷା ହାର ଅଧିକ ।