ଡେରାଡୁନ: ଉତ୍ତରାଖଣ୍ଡ ହିମ ପ୍ରଳୟରେ ବର୍ତ୍ତାମାନ ସୁଦ୍ଧା 62 ଜଣଙ୍କ ମୃତଦେହ ଉଦ୍ଧାର ହୋଇଛି । ଏବେ ମଧ୍ୟ 142 ଜଣ ନିଖୋଜଙ୍କୁ ଠାବ କରାଯାଇପାରିନାହିଁ । ଉଦ୍ଧାର ମୃତଦେହ ମଧ୍ୟରୁ 32 ଜଣଙ୍କୁ ଚିହ୍ନଟ କରାଯାଇଥିବା ବେଳେ ଏବେ ସୁଦ୍ଧା ମଧ୍ୟ 28 ଜଣଙ୍କ ପରିଚୟ ମିଳି ପାରିନଥିବା ସୂଚନା ଦେଇଛି ଉତ୍ତରାଖଣ୍ଡ ବିପର୍ଯ୍ୟୟ ପ୍ରବନ୍ଧନ ପ୍ରାଧିକରଣ (UDMA) ।
ଏନେଇ ପ୍ରାଧିକରଣ ପକ୍ଷରୁ ସୂଚନା ଦିଆଯାଇଛି । ତେବେ ବର୍ତ୍ତମାନ ସୁଦ୍ଧା ମଧ୍ୟ 142 ଜଣ ନିଖୋଜ ଅଛନ୍ତି । ତେବେ ନିଖୋଜଙ୍କୁ ଖୋଜିବା ପାଇଁ ସର୍ଚ୍ଚ ଅପରେସନ ମଧ୍ୟ ଅଦ୍ୟାବଧି ଜାରି ରହିଛି । ଭାରତୀୟ ସେନା, ଆଇଟିବିପି ଓ ଏନଡିଆରଏଫ ମିଳିତ ଭାବେ ସର୍ଚ୍ଚ ଅପରେସନ ଜାରି ରଖିଛନ୍ତି । କିଛି ମୃତଦେହ ଠାବ ହୋଇଥିବା ବେଳେ ଆଉ କିଛି ଶରୀରର ଖଣ୍ଡ ବିଖଣ୍ଡିତ ଅଂଶ ବିଶେଷ ମଧ୍ୟ ଠାବ ହୋଇଛି । ସେମାନଙ୍କ ପରିଚୟ ମିଳିବା ସମ୍ଭବ ହୋଇପାରିନାହିଁ ।