ନୂଆଦିଲ୍ଲୀ:ଆଜି ଭାରତ ଆମେରିକା 2+2 ମନ୍ତ୍ରୀସ୍ତରୀୟ ବୈଠକ । ପଞ୍ଚମ ଥର ପାଇଁ ଭାରତ ଓ ଆମେରିକା ମଧ୍ୟରେ ଏହି ବୈଠକ ବସିବାକୁ ଯାଉଛି । ବୈଠକରେ ଯୋଗ ଦେବାକୁ ଭାରତ ଗସ୍ତରେ ଆସିଛନ୍ତି ଆମେରିକା ବୈଦେଶିକ ମନ୍ତ୍ରୀ ଆଣ୍ଟୋନି ବ୍ଲିଙ୍କେନ୍ । ଆମେରିକା ପ୍ରତିରକ୍ଷା ମନ୍ତ୍ରୀଙ୍କ ପରେ ନୂଆଦିଲ୍ଲୀରେ ପହଞ୍ଚିଛନ୍ତି ଆଣ୍ଟୋନି ବ୍ଲିଙ୍କେନ । ଭାରତ ସହ 2+2 ମନ୍ତ୍ରୀସ୍ତରୀୟ ବୈଠକରେ ଦ୍ବିପାକ୍ଷିକ ଆଲୋଚନାରେ ଉଭୟ ନେତା ସାମିଲ ହେବେ । ଭାରତ ପକ୍ଷରୁ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଓ ବୈଦେଶିକ ମନ୍ତ୍ରୀ ଏସ ଜୟଶଙ୍କର ବୈଠକରେ ଉପସ୍ଥିତ ରହିବେ ।
ଗତକାଲି (ଗୁରୁବାର) ଆମେରିକା ପ୍ରତିରକ୍ଷା ସଚିବ ଲଏଡ ଅଷ୍ଟିନ୍ ଦିଲ୍ଲୀରେ ପହଞ୍ଚିଥିଲେ । ଆଜି(ଶୁ୍କ୍ରବାର) ଆମେରିକା ବୈଦେଶିକ ମନ୍ତ୍ରୀ ଆଣ୍ଟୋନି ବ୍ଲିଙ୍କେନ ପଞ୍ଚମ ଥର ପାଇଁ ହେବାକୁ ଥିବା 2+2 ମନ୍ତ୍ରୀସ୍ତରୀୟ ବୈଠକରେ ଯୋଗ ଦେବାକୁ ଦିଲ୍ଲୀରେ ପହଞ୍ଚିଛନ୍ତି । ସେ ଏହି ବୈଠକରେ ସହ ଅଧକ୍ଷତା କରିବେ । ଦୁଇ ଦେଶ ମଧ୍ୟରେ ଦ୍ବିପାକ୍ଷିକ ମନ୍ତ୍ରୀସ୍ତରୀୟ ବୈଠକ ହେବ । ଉଭୟ ଦେଶର ବିଭିନ୍ନ ଉନ୍ନୟନମୂଳକ କାର୍ଯ୍ୟକ୍ରମ କ୍ଷେତ୍ରରେ ଆଲୋଚନା ହେବ । ଆଣ୍ଟୋନି ବ୍ଲିଙ୍କେନ ଦିଲ୍ଲୀ ବିମାନବନ୍ଦରରେ ପହଞ୍ଚିବା ପରେ ତାଙ୍କୁ ସ୍ବାଗତ କରାଯାଇଥିଲା । ଆଣ୍ଟୋନି ବ୍ଲିଙ୍କେନଙ୍କ ଏହି ଗସ୍ତ ଭାରତ ଓ ଆମେରିକା ମଧ୍ୟରେ ଥିବା ଗ୍ଲୋବାଲ୍ ଷ୍ଟ୍ରାଟିଜିକ ସହଭାଗିତାକୁ ଅଧିକ ମଜଭୁତ କରିବ ବୋଲି ଟ୍ବିଟ୍ କରି ସୂଚନା ଦେଇଛନ୍ତି ବିଦେଶ ମନ୍ତ୍ରଣାଳୟ ମୁଖପାତ୍ର ଅରିନ୍ଦମ ବାଗଚି ।
ଏହା ବି ପଢନ୍ତୁ...8 Indians on death row in Qatar: ଆବେଦନ ଦାଖଲ କଲା ଭାରତ