ଓ୍ବାର୍ସ: ଋଷ ଓ ୟୁକ୍ରେନ ଯୁଦ୍ଧକୁ ଆଜି ୩୨ଦିନ ପୁରିଥିବା ସତ୍ତ୍ବେ ମଧ୍ୟ ଘମାଘୋଟ ଆକ୍ରମଣ ଜାରି ରଖିଛି ଋଷ । ଏହାରି ମଧ୍ୟରେ ୟୁକ୍ରେନର ସୀମାନ୍ତ ତଥା ନାଟୋ ସଦସ୍ୟ ରାଷ୍ଟ୍ର ପୋଲାଣ୍ଡ ଗସ୍ତ କରିଛନ୍ତି ଆମେରିକା ରାଷ୍ଟ୍ରପତି ଜୋ ବାଇଡେନ । ଏହି କ୍ରମରେ ଜୋ ବାଇଡେନ ଓ ପୋଲାଣ୍ଡ ରାଷ୍ଟ୍ରପତି ଅନ୍ଦ୍ରେଜେଜ ଦୁଦାଙ୍କ ମଧ୍ୟରେ ଦ୍ବିପାକ୍ଷିକ ଆଲୋଚନା ହୋଇଛି । ପୋଲାଣ୍ଡ ରାଜଧାନୀ ୱାର୍ସରେ ଉଭୟ ରାଷ୍ଟ୍ରମୁଖ୍ୟଙ୍କ ମଧ୍ୟରେ ଏହି ଉଚ୍ଚସ୍ତରୀୟ ବୈଠକ ହୋଇଛି ।
ବୈଠକରେ ୟୁକ୍ରେନରେ ଯୁଦ୍ଧରେ ଦେଖାଯାଇଥିବା ମାନବୀୟ ସଙ୍କଟ ଆଲୋଚନାର କେନ୍ଦ୍ରବିନ୍ଦୁ ରହିଥିଲା । ପରେ ରାଷ୍ଟ୍ରପତି ବାଇଡେନ ପୋଲାଣ୍ଡର ୱାର୍ସରେ ଥିବା ଏକ ୟୁକ୍ରେନୀୟ ଶରଣାର୍ଥୀ କ୍ୟାମ୍ପ ମଧ୍ୟ ପରିଦର୍ଶନ କରିଥିଲେ । ସେଠାରେ ସେ ୟୁକ୍ରେନ ଶରଣାର୍ଥୀଙ୍କ ସହ ଆଲୋଚନା କରିବା ସହ ସମସ୍ତ ପ୍ରକାର ସହାୟତା ପ୍ରଦାନ ପାଇଁ ପ୍ରତିଶ୍ରୁତି ମଧ୍ୟ ଦେଇଥିଲେ ।