UPSC 2020 ରେଜଲ୍ଟ ଘୋଷଣା, ଶୁଭମ କୁମାର IAS ଟପ୍ପର

ସଂଘ ଲୋକସେବା ଆୟୋଗ (UPSC) ପକ୍ଷରୁ ସିଭିଲ ସର୍ଭିସ ୨୦୨୦ର ଫାଇନାଲ ରେଜଲ୍ଟ ଘୋଷଣା ହୋଇଛି । UPSC-୨୦୨୦ ପରୀକ୍ଷାରେ ଶୁଭମ କୁମାର ହୋଇଛନ୍ତି IAS ଟପ୍ପର । ଅଧିକ ପଢନ୍ତୁ...

ଭୁବନେଶ୍ବର: ପ୍ରକାଶ ପାଇଛି ସିଭିଲ ସର୍ଭିସ ୨୦୨୦ର ଫାଇନାଲ ରେଜଲ୍ଟ । ସଂଘ ଲୋକସେବା ଆୟୋଗ (UPSC) ପକ୍ଷରୁ ରେଜଲ୍ଟ ଘୋଷଣା ହୋଇଛି । UPSC-୨୦୨୦ ପରୀକ୍ଷାରେ ଶୁଭମ କୁମାର ହୋଇଛନ୍ତି IAS ଟପ୍ପର । ସେହପରି ପରୀକ୍ଷାରେ ଜାଗୃତି ଅୱସ୍ତି ଓ ଅଙ୍କିତା ଜୈନ କ୍ରମଶ ଦ୍ବିତୀୟ ଓ ତୃତୀୟ ସ୍ଥାନ ହାସଲ କରିଛନ୍ତି ।

ଟପ୍ପର ଶୁଭମ କୁମାର ଆଇଆଇଟି ବମ୍ବେରୁ ବି ଟେକ୍ (ସିଭିଲ୍ ଇଞ୍ଜିନିୟରିଂ) କରିଛନ୍ତି । ସେହପରି MANIT ଭୋପାଳରୁ ବି ଟେକ୍ (ଇଲେକ୍ଟ୍ରିକାଲ୍ ଇଞ୍ଜିନିୟରିଂ) କରିଛନ୍ତି ଜାଗୃତି ଅୱସ୍ତି ।

UPSC-୨୦୨୦ ପରୀକ୍ଷାରେ ମୋଟ୍‌ ୭୬୧ ଜଣ ପାସ୍‌ କରିଛନ୍ତି । ଏଥିରେ ୫୪୫ ପୁରୁଷ ଓ ୨୧୬ ମହିଳା ଅଛନ୍ତି ସାମିଲ । IAS ପାଇଁ ୧୮୦, IPS ପାଇଁ ୨୦୦ ଜଣ ଏବଂ IFS ପାଇଁ ୩୬ ଜଣ କୃତକାର୍ଯ୍ୟ ହୋଇଛନ୍ତି । ଏପଟେ ଓଡିଶାରୁ ୪୬ତମ ରାଙ୍କରେ ଜୁବିନ୍ ମହାପାତ୍ର, ୫୨ ରାଙ୍କରେ ଆଶିଷ କୁମାର ମିଶ୍ର ଓ ୪୬୪ ରାଙ୍କରେ ଅଛନ୍ତି ବବିତାରାଣୀ ସ୍ବାଇଁ ।