ଲକ୍ଷ୍ନୌ: ପଶ୍ଚିମବଙ୍ଗ ପରେ ଏବେ ଉତ୍ତରପ୍ରଦେଶରେ ଭାରତୀୟ ଜନତା ପାର୍ଟିକୁ ଲାଗିବାକୁ ଯାଉଛି ବଡ ଝଟକା । ଧିରେ ଧିରେ ସାମ୍ନାକୁ ଆସୁଛି ଉତ୍ତରପ୍ରଦେଶ ପଞ୍ଚୟତ ନିର୍ବାଚନର ଫଳାଫଳ । ଏହି ନିର୍ବାଚନରେ ନିଜର ଅସ୍ତିତ୍ବ ଖୋଜୁଥିବା ବହୁଜନ ସମାଜ ପାର୍ଟି ଓ ସମାଜବାଦୀ ପାର୍ଟି ଅନେକ ଆସନରେ ବିଜୟ ସହିତ ଲିଡ୍ ଜାରି ରଖିଛି । ଆଉ ଅନ୍ୟପକ୍ଷେ ବଡ କ୍ଷତି ସହିବାକୁ ଯାଉଛି ଭାରତୀୟ ଜନତା ପାର୍ଟି ।
ଉତ୍ତରପ୍ରଦେଶରେ ହୋଇଥିବା ତ୍ରିସ୍ତରୀୟ ପଞ୍ଚାୟତ ନିର୍ବାଚନ ବିଜେପି ପାଇଁ ବେଶ ଗୁରୁତ୍ବ ରଖୁଛି । ଆଉ ଉତ୍ତରପ୍ରଦେଶ ବିଧାନସଭା ନିର୍ବାଚନ ପୂର୍ବରୁ ଏହାକୁ ଅଗ୍ନିପରୀକ୍ଷା ରୂପେ ଦେଖାଯାଇପାରେ ।