ନୂଆଦିଲ୍ଲୀ:ଉନ୍ନାଓ ଦୁଷ୍କର୍ମ ମାମଲାରେ ଦୋଷୀ ସାବ୍ୟସ୍ତ ତଥା ପୂର୍ବତନ ବିଜେପି ବିଧାୟକ କୁଲଦୀପ ସିଂ ସେଙ୍ଗରଙ୍କୁ କୋର୍ଟରୁ ବଡ ଆଶ୍ବସ୍ତି । ଦିଲ୍ଲୀର ରାଉସ୍ ଆଭେନ୍ୟୁ କୋର୍ଟ ଦୁଷ୍କର୍ମ ପୀଡିତା ତଥା ତାଙ୍କ ଓକିଲଙ୍କ ସହ ହୋଇଥିବା ସଡ଼କ ଦୁର୍ଘଟଣାରେ ଷଡଯନ୍ତ୍ର ଅଭିଯୋଗରେ ପୂର୍ବତନ ବିଜେପି ବିଧାୟକ କୁଲଦୀପ ସିଂ ସେଙ୍ଗରଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି । ଅତିରିକ୍ତ ମହାନଗର ନିଗମ ମାଜିଷ୍ଟ୍ରେଟ ରବିନ୍ଦ୍ର କୁମାର ପାଣ୍ଡେ ଏହି ମାମଲାର ଶୁଣାଣି କରି ପୂର୍ବତନ ନେତାଙ୍କୁ ଏହି ଆଶ୍ବସ୍ତି ପ୍ରାଦନ କରିଥିବା ଦେଖିବାକୁ ମିଳିଛି ।
ସମ୍ପୂର୍ଣ୍ଣ ଘଟଣା କ୍ରମରେ, ଜୁଲାଇ 2019 ରେ ଉନ୍ନାଓ ଦୁଷ୍କର୍ମ ପୀଡିତା, ତାଙ୍କ ପରିବାର ସଦସ୍ୟ ଏବଂ ତାଙ୍କ ଓକିଲ ଏକ କାରରେ ଯାଉଥିବା ସମୟରେ ଏକ ଟ୍ରକ୍ ଉକ୍ତ କାରକୁ ଧକ୍କା ଦେଇଥିଲା । ସେହି ଦୁର୍ଘଟଣାରେ ପୀଡିତା ଓ ଦୁଇ ସମ୍ପର୍କୀୟ ଘଟଣାସ୍ଥଳରେ ପ୍ରାଣ ହରାଇଥିଲେ । ଏହି ମାମଲାରେ କୁଲଦୀପ ସିଂ ସେଙ୍ଗରଙ୍କ ସମେତ 12 ଜଣଙ୍କୁ ଏହି ଦୁର୍ଘଟଣା ଉଦ୍ଦେଶ୍ୟମୂଳକ ଭାବେ ଷଡଯନ୍ତ୍ର କରି ହତ୍ୟା କରିଥିବା ଅଭିଯୋଗ ହୋଇଥିଲା । ତେବେ ଆଜି ଶୁଣାଣି ସମୟରେ ଘଟଣା ପଛରେ ପୂର୍ବତନ ବିଧାୟକ ଓ ଅନ୍ୟ ଅଭିଯୁକ୍ତଙ୍କ ବିରୋଧରେ କୌଣସି ସାକ୍ଷୀ ବା ପ୍ରମାଣ ମିଳିନଥିବା କୋର୍ଟଙ୍କୁ ଜଣାଇଥିଲା ସିବିଆଇ । ତେବେ ଉପଯୁକ୍ତ ସାକ୍ଷ ପ୍ରମାଣ ଅଭାବରୁ ବିଧାୟକଙ୍କ ମସେତ ସମସ୍ତ ଅଭିଯୁକ୍ତଙ୍କୁ ନିର୍ଦ୍ଦୋଶରେ ଖଲାସ କରାଯାଇଛି ।