ରାୟପୁର: ଦିଲ୍ଲୀରେ ବସିଥିବା କେନ୍ଦ୍ର ମନ୍ତ୍ରୀମାନଙ୍କୁ ପ୍ରଥମେ କୋରୋନା ଟିକା ପ୍ରଦାନ କରଯିବା ଉଚିତ। ରାଜ୍ୟରେ ମୁଖ୍ୟମନ୍ତ୍ରୀଙ୍କ ଠାରୁ ଆରମ୍ଭ କରି ସମଗ୍ର କ୍ୟାବିନେଟ ପର୍ଯ୍ୟନ୍ତ ପ୍ରଥମେ ଏହି ଟିକା ଗ୍ରହଣ କରିବା ଉଚିତ ଫଳରେ ଲୋକମାନଙ୍କର ଆତ୍ମବିଶ୍ବାସ ବୃଦ୍ଧି ପାଇବ । ଏପରି ମନ୍ତବ୍ୟ ଦେଇଛନ୍ତି ଛତିଶଗଡ ମୁଖ୍ୟମନ୍ତ୍ରୀ ଭୂପେଶ ବାଘେଲ ।
କେନ୍ଦ୍ରମନ୍ତ୍ରୀ ଓ ମୁଖ୍ୟମନ୍ତ୍ରୀ ମାନଙ୍କୁ ଦିଆଯାଉ କରୋନା ଟୀକା : ଛତିଶଗଡ ମୁଖ୍ୟମନ୍ତ୍ରୀ
ବର୍ତ୍ତମାନ ଦେଶରେ ଜରୁରୀକାଳୀନ ଭାବେ ଟିକାକରଣର ଆରମ୍ଭ ହୋଇଛି । ପ୍ରଥମେ କୋଭିଡ ଯୋଦ୍ଧା ଓ ଆଗ ଧାଡିର କର୍ମୀମାନଙ୍କୁ ଟିକା ଦେବା ପାଇଁ ପ୍ରକ୍ରିୟା ଆରମ୍ଭ କରିଛନ୍ତି ସରକାର । ତେବେ ଟିକାର ବିଶ୍ବସନୀୟତା ବଢାଇବା ପାଇଁ କେନ୍ଦ୍ର ମନ୍ତ୍ରୀ ଓ ସବୁ ପ୍ରଦେଶର ମୁଖ୍ୟମନ୍ତ୍ରୀ ମାନଙ୍କୁ ଏହି ଟିକା ପ୍ରଦାନ କରାଯିବା ନିହାତି ଆବଶ୍ୟକ ବୋଲି ସେ ମତ ଦେଇଛନ୍ତି । ଏପରି କରିବା ଦ୍ବାରା ଟିକାର ସୁରକ୍ଷା ଓ ବିଶ୍ବସନୀୟତା ଉପରେ ଦେଶବାସୀଙ୍କ ଭରଷା ବଢିବ ବୋଲି ସେ ମତ ଦେଇଛନ୍ତି ।