Manipur Violence: ଗତ ଛ’ ବର୍ଷରେ ମଣିପୁରରେ କର୍ଫ୍ୟୁ ଲାଗିନାହିଁ: ଅମିତ ଶାହ

ଆଜି ସଂଧ୍ୟା 5ଟାରେ ଲୋକସଭାରେ ମଣିପୁର ପ୍ରସଙ୍ଗରେ ଆସିଥିବା ଅନାସ୍ଥା ପ୍ରସ୍ତାବ ଉପରେ ଜବାବ ଦେଇ କେନ୍ଦ୍ର ଗୃହମନ୍ତ୍ରୀ ଅମିତ ଶାହ କହିଛନ୍ତି ‘‘ ମଣିପୁରରେ ଯାହା ଘଟିଲା ଲଜ୍ଜା ଜନକ । ମଣିପୁର ମା ଭଉଣୀଙ୍କ ସୁରକ୍ଷା ପାଇଁ ସରକାର କଠୋର ପଦକ୍ଷେପ ନେଉଛନ୍ତି । ଘଟଣାରେ ସାମିଲ ଦୋଷୀଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ହେବ । ସରକାର ସମସ୍ତ ପ୍ରୟାସ କରୁଛନ୍ତି । ମଣିପୁରରେ ଶାନ୍ତି ଫେରିବ । ଖୁବଶୀଘ୍ର ସ୍ଥିତି ସ୍ବାଭାବିକ ହେବ । ଅଧିକ ପଢନ୍ତୁ

ନୂଆଦିଲ୍ଲୀ: ମଣିପୁର ହିସାଂକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନଜର ରଖିଛନ୍ତି । ସବୁବେଳେ ମଣିପୁରକୁ ନେଇ ସ୍ଥିତି ସମୀକ୍ଷା କରୁଛନ୍ତି । ପ୍ରଧାନମନ୍ତ୍ରୀ ହିଂସାକୁ ନେଇ ବ୍ୟତିଥ । ଘଟଣା ଘଟିବା ଦିନ ସକାଳ 4 ଟାରେ ପରଦିନ ସକାଳ 6.30 ରେ ଫୋନ କରି ସ୍ଥିତି ସ୍ବାଭାବିକ ପାଇଁ ନିର୍ଦ୍ଦେଶ ଦେଇଥିଲେ । ରାଜ୍ୟରେ ସ୍ଥିତି ସ୍ବାଭାବିକ ପାଇଁ ସରକାର କୌଣସି ସୁଯୋଗ ଛାଡି ନାହିଁ । ହିସାଂ ନିୟନ୍ତ୍ରଣ ପାଇଁ ଯାହା ଆବଶ୍ୟକ ସମସ୍ତ ପଦକ୍ଷେପ ନିଆଯାଉଛି । ସ୍ଥିତି ଉପରେ ଲଗାତାର ଗୃହ ମନ୍ତ୍ରଣାଳୟ ନଜର ରଖିଛି । ମଣିପୁରରେ ଯାହା ଘଟିଲା ତାହା ଲଜ୍ଜା ଜନକ । ଏଭଳି ଘଟଣା ପାଇଁ ଦେଶ ଲଜ୍ଜିତ । ସରକାର ଉପରେ ବିଶ୍ବାସ ରଖନ୍ତୁ ଦୋଷୀ କଠୋର ଦଣ୍ଡ ପାଇବେ । ମଣିପୁରରେ ଅତିଶୀଘ୍ର ସ୍ଥିତି ସ୍ବାଭାବିକ ହେବ । ବିରୋଧୀ ମେଣ୍ଟ ଇଣ୍ଡିଆ ପକ୍ଷରୁ ମଣିପୁର ପ୍ରସଙ୍ଗରେ ଆସିଥିବା ଅନାସ୍ଥା ପ୍ରସ୍ତାବ ଉପରେ ଜବାବ ଦେଇ ଲୋକସଭାରେ ଏହା କହିଛନ୍ତି ଗୃହମନ୍ତ୍ରୀ ଅମିତ ଶାହ ।

ଆଜି ସଂଧ୍ୟା 5ଟାରେ ଲୋକସଭାରେ ମଣିପୁର ପ୍ରସଙ୍ଗରେ ଆସିଥିବା ଅନାସ୍ଥା ପ୍ରସ୍ତାବ ଉପରେ ଜବାବ ଦେଇ କେନ୍ଦ୍ର ଗୃହମନ୍ତ୍ରୀ ଅମିତ ଶାହ କହିଛନ୍ତି ‘‘ ମଣିପୁରରେ ଯାହା ଘଟିଲା ଲଜ୍ଜା ଜନକ । ମଣିପୁର ମା ଭଉଣୀଙ୍କ ସୁରକ୍ଷା ପାଇଁ ସରକାର କଠୋର ପଦକ୍ଷେପ ନେଉଛନ୍ତି । ଘଟଣାରେ ସାମିଲ ଦୋଷୀଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ହେବ । ସରକାର ସମସ୍ତ ପ୍ରୟାସ କରୁଛନ୍ତି । ମଣିପୁରରେ ଶାନ୍ତି ଫେରିବ । ଖୁବଶୀଘ୍ର ସ୍ଥିତି ସ୍ବାଭାବିକ ହେବ । ମଣିପୁର ସମେତ ଦେଶର ପ୍ରତି ନାଗରିକଙ୍କ ସୁରକ୍ଷାର ଦାୟିତ୍ବ ସରକାରଙ୍କର । ମଣିପୁର ଘଟଣାକୁ ନେଇ ରାଜନୀତି କରାନଯାଉ । ମଣିପୁର ସ୍ଥିତରେ ସୁଧାର ପାଇଁ ସରକାର ନେଉଥିବା ପଦକ୍ଷେପକୁ ବିରୋଧୀ ସମର୍ଥନ କରନ୍ତୁ । ’’

ମଣିପୁର ପ୍ରସଙ୍ଗରେ ପ୍ରଧାନମନ୍ତ୍ରୀଙ୍କ ନିରବତା ଅଭିଯୋଗର ଜବାବ ଦେଇ ଶାହ କହିଛନ୍ତି ଘଟଣା ଦିନ ସକାଳ 4 ଟାରେ ପରଦିନ ସକାଳ 6.30 ରେ ପ୍ରଧାନମନ୍ତ୍ରୀ ମତେ ଫୋନ କରି ମଣିପୁର ପ୍ରସଙ୍ଗରେ ନିର୍ଦ୍ଦେଶ ଦେଇଛନ୍ତି । ମଣିପୁର ଘଟଣାକୁ ନେଇ ପ୍ରଧାନମନ୍ତ୍ରୀ ବାରମ୍ବାର ସମୀକ୍ଷା କରିଛନ୍ତି । ଏକାଧିକ ଥର ରାଜ୍ୟ ସରକାର, ଗୃହ ମନ୍ତ୍ରଣାଳୟ ସମେତ ସୁରକ୍ଷା ଏଜେନ୍ସୀଙ୍କ ସହ ଆଲୋଚନା କରିଛନ୍ତି । ମଣିପୁର ହିସାଂ ପରେ ପ୍ରଧାନମନ୍ତ୍ରୀ ମଣିପୁରରେ ଉପରେ ସ୍ବତନ୍ତ୍ର ଦୃଷ୍ଟି ରଖିଛନ୍ତି । ସେହିପରି ଶାହ କହିଛନ୍ତି ମୁଁ ନିଜେ ମଣିପୁର ଯାଇ 3 ଦିନ ପର୍ଯ୍ୟନ୍ତ ସ୍ଥିତି ଅନୁଧ୍ୟାନ ସହ ପୀଡିତଙ୍କୁ ସାକ୍ଷାତ କରିଛି । ରିଲିଫ କ୍ୟାମ୍ପସରେ ଆଶ୍ରୟ ନେଇଥିବା ଲୋକଙ୍କ ସହ ମିଶିଛି । ସେମାନଙ୍କ ସମସ୍ୟା ବୁଝିଛି । ଗୃହରାଷ୍ଟ୍ର ମନ୍ତ୍ରୀ ନିତ୍ୟାନନ୍ଦ ରାଏ 23 ଦିନ ପର୍ଯ୍ୟନ୍ତ ମଣିପୁରରେ ରହିଛନ୍ତି । 16 ଟି ଭିଡିଓ କନଫରେନସ ବୈଠକ ହୋଇଛି । 36 ହଜାର ଅତିରିକ୍ତ ଜବାନଙ୍କୁ ମଣିପୁର ପଠାଯାଇଛି । ମଣିପୁରର ମୁଖ୍ୟ ଶାସନ ସଚିବ ଓ ପୋଲିସ ମହାନିର୍ଦ୍ଦେଶକଙ୍କୁ ବଦଳି କରାଯାଇଛି । ଅତିରିକ୍ତ ରିଲିଫ ସାମଗ୍ରୀ ମଣିପୁରକୁ ପଠାଯାଇଛି । ଅତ୍ୟାବଶ୍ୟକୀୟ ସାମଗ୍ରୀ ଅଭାବ ନହେବା ପାଇଁ ସରକାର ବିଶେଷ ଧ୍ୟାନ ଦେଇଛନ୍ତି ।

ସେହିଭଳି ଶାହ ବିରୋଧୀଙ୍କ ରାଷ୍ଟ୍ରପତି ଶାସନ ଦାବିର ଜବାବ ଦେଇ କହିଛନ୍ତି ‘‘ ଭାରତ ସରକାର ନିଜର ଅଧିକାରୀଙ୍କୁ ମଣିପୁର ମୁଖ୍ୟ ଶାସନ ସଚିବ ଓ ପୋଲିସ ମହାନିର୍ଦ୍ଦେଶକ ଭାବେ ନିଯୁକ୍ତ କରିଛନ୍ତି । ଭାରତ ସରକାରଙ୍କ ଅଧିକାରୀ ନିଯୁକ୍ତ ହେବା ପରେ 3 ତାରିଖରେ ହିସାଂ ହେଲା । 4 ତାରିଖ ଠାରୁ ସବୁ କିଛି ବନ୍ଦ । ବିରୋଧୀ 356 ଆଧାରରେ ରାଷ୍ଟ୍ରପତି ଶାସନ ଦାବି କରୁଛନ୍ତି । ମୁଁ ସ୍ପଷ୍ଟ କରିବାକୁ ଚାହେଁ... ରାଷ୍ଟ୍ରପତି ଶାସନ କେତେବେଳ ଲାଗିଥାଏ । ଯେତେବେଳେ ରାଜ୍ୟର ମୁଖ୍ୟମନ୍ତ୍ରୀ ହିସାଂ ବେଳେ କୌଣସି ସହଯୋଗ କରିବେ ନାହିଁ, ମଣିପୁର ମୁଖ୍ୟମନ୍ତ୍ରୀ ତ ସମସ୍ତ ପ୍ରକାରର ସହଯୋଗ କରୁଛନ୍ତି । ଭାରତ ସରକାରଙ୍କ ଅଧିକାରୀ ନିଯୁକ୍ତି ମଧ୍ୟ ସ୍ବୀକାର କରିଛନ୍ତି । ମୁଖ୍ୟମନ୍ତ୍ରୀ ସେତେବେଳେ ପରିବର୍ତ୍ତନ କରିବାକୁ ପଡେ ଯେତେବେଳେ କୌଣସି ସହଯୋଗ ମିଳେନାହିଁ ।

ପ୍ରଧାନମନ୍ତ୍ରୀଙ୍କ ନିରବତା ଅଭିଯୋଗକୁ ନେଇ ଶାହ କହିଛନ୍ତି ମଣିପୁର ପ୍ରସଙ୍ଗରେ ପ୍ରଧାନମନ୍ତ୍ରୀ ମୋଦି ମଧ୍ୟ ଚର୍ଚ୍ଚା କରିବାକୁ ବିଚାର କରିଥିଲେ । କିନ୍ତୁ ଯେତେବେଳେ ସଂସଦରେ ଗୃହମନ୍ତ୍ରୀଙ୍କୁ କହିବାକୁ ସୁଯୋଗ ବିରୋଧୀ ଦେଉନାହାଁନ୍ତି । ଚର୍ଚ୍ଚା ପାଇଁ ଆସୁନାହାଁନ୍ତି, ହଙ୍ଗାମା ହଟ୍ଟଗୋଳ କରୁଛନ୍ତି, କେବଳ ଅଭିଯୋଗ କରୁଛନ୍ତି ସେତେବେଳେ ପ୍ରଧାନମନ୍ତ୍ରୀ କଣ କରିବେ? ବିରୋଧୀଙ୍କୁ ପରାମର୍ଶ ଦେଇ ଶାହ କହିଛନ୍ତି ଆପଣ କେବଳ ଅଭିଯୋଗ କରୁଛନ୍ତି । ମଣିପୁର ପ୍ରସଙ୍ଗରେ ରାଜନୀତି କରୁଛନ୍ତି । ସଂସଦ ଆରମ୍ଭରୁ ମଣିପୁର ପ୍ରସଙ୍ଗରେ ସରକାର ଆଲୋଚନା ପାଇଁ ପ୍ରସ୍ତୁତ ଥିବା କହିଛନ୍ତି । ମୁଁ ନିଜେ ଉଭୟ ସଦନର ପ୍ରତିପକ୍ଷ ନେତାଙ୍କୁ ଚିଠି ଲେଖି ମଣିପୁର ପ୍ରସଙ୍ଗରେ ଆଲୋଚନା ପାଇଁ ଅନୁରୋଧ କରିଛି । ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ବିରୋଧୀଙ୍କୁ ଆଲୋଚନାକୁ ଆସିବା ପାଇଁ ଅନୁରୋଧ କଲେ । କିନ୍ତୁ ବିରୋଧୀ ନିଜ ରାଜନୈତିକ ସ୍ବାର୍ଥ ପାଇଁ ସଂସଦରେ ହଙ୍ଗାମା ବ୍ୟତୀତ କିଛି କଲେ ନାହିଁ । ସରକାର ଉପରେ ନିରାଧାର ଅଭିଯୋଗ ଲଗାଇଲେ । 2014 ପୂର୍ବରୁ ମଣିପୁରରେ ଖାଲି କର୍ଫ୍ୟ ଲାଗୁଥିଲା । କିନ୍ତୁ ଗତ 6 ବର୍ଷ ଭିତରେ ଗୋଟିଏ ଦିନ ପାଇଁ କର୍ଫ୍ୟ ଲାଗିନାହିଁ ମଣିପୁରରେ ବୋଲି ଶାହ କହିଛନ୍ତି ।