ନୂଆଦିଲ୍ଲୀ:ଚର୍ଚ୍ଚାରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଉଦାରପଣ । ଅର୍ଥମନ୍ତ୍ରୀଙ୍କ ଏକ ହୃଦୟସ୍ପର୍ଶୀ ଭିଡିଓ ଭାଇରାଲ ହେବାରେ ଲାଗିଛି । ଯେଉଁଥିରେ ସେ ମୁମ୍ବାଇରେ ଏକ କାର୍ଯ୍ୟକ୍ରମରେ ଭାଷଣ ଦେଉଥିବା ନ୍ୟାସନାଲ ସିକ୍ୟୁରିଟି ଡିପୋଜିଟୋରୀ ଲିମିଟେଡର ପରିଚାଳନା ନିର୍ଦ୍ଦେଶକ ପଦ୍ମଜା ଚୁନଣ୍ଡୁରୁଙ୍କୁ ଜଳ ପ୍ରଦାନ କରୁଥିବା ଦେଖିବାକୁ ମିଳିଛି । ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେବା ପରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ପ୍ରଶଂସା କରାଯାଇଛି ।
ସୂଚନାଅନୁସାରେ, ଭିଡିଓରେ ଦେଖିବାକୁ ମିଳିଛି କି NSDL (National Securities Depository Limited) ପରିଚାଳିକା ପଦ୍ମଜା ଚୁନଣ୍ଡୁରୁ ଭାଷଣ ଦେଉଥିଲେ । ଷ୍ଟେଜ ଉପରେ ଅଭିଭାଷଣ ବେଳେ ବକ୍ତାଙ୍କ ଗଳା ଶୁଖିଯିବାରୁ ନିଜେ ତାଙ୍କ ନିକଟକୁ ପାଣି ନେଇ ପହଞ୍ଚି ଯାଇଥିଲା ଅର୍ଥମନ୍ତ୍ରୀ । ମୁମ୍ବାଇରେ ଚାଲିଥିବା ଏନଏସଡିଏଲ ନ୍ୟାସନାଲ ସିକ୍ୟୁରିଟିଜ ଡିପୋଜିଟରୀ ଲିମିଟେଡର ଏକ କାର୍ଯ୍ୟକ୍ରମରେ ଏହି ଦୃଶ୍ୟ ଦେଖିବାକୁ ମିଳିଥିଲା । ପଦ୍ମଜା ଅଭିଭାଷଣ ଦେବା ସମୟରେ ଗଳା କିଛି ଅନୁଭବ କରିବାକୁ ବିରତି ନେଇଥିଲେ । ଏହି ସମୟରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ମଞ୍ଚ ଉପରକୁ ଯାଇ ତାଙ୍କୁ ପାଣି ବୋତଲ ପ୍ରଦାନ କରିଥିଲେ । ଯାହା ବେଶ ହୃଦୟସ୍ପର୍ଶୀ ରହିଥିଲା । ଏହି ଭିଡିଓକୁ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଟ୍ବିଟରେ ସେୟାର କରି ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ପ୍ରଶଂସା କରିଛନ୍ତି । NSDLର ରୌପ୍ୟ ଜୟନ୍ତୀ ଅବସରରେ ଆୟୋଜିତ କାର୍ଯ୍ୟକ୍ରମରେ ଦେଖିବାକୁ ମିଳିଛି ।